р-Еволуција

р-Еволуцијата згасна?

2008-05-25T21:51:00.002+02:00

Мислев да напишам подолг осврт на овој тип коментари и да објаснам зошто има се помалку (или воопшто нема) написи на блогот...
Сепак сметам дека нема потреба; тие што разбираат-знаат, а тие што не разбираат - за нив е ионака сеедно. Нема да разберат...

Ама еве сосема на кратко: р-Еволуција (баш така, мало р големо Е) имаше за цел да ја подигне свеста кај корисниците и да им помогне да се заштитат. Во исто време се обиде да им каже на давателите на услуги дека корисниците не се овци и дека тие корисници го „мачкаат путерот“ на лебот на провајдерите. р-Еволуција си ја заврши работата успешно, останува на корисниците самите да продолжат да се борат за своите права и да внимаваат какви договори потпишуваат со „ѓаволот“ и да се свесни дека алтернатива секогаш постои.

Претпоставувам дека блогот ќе остане како потсетник на борбата за побрз и поефтин нет во МК.
Можеби некој и ќе постира по нешто, ама главната расправа заврши.
Кој не се сложува - широко му блогерско поле...

Онтел - фиксна телефонија

2008-05-14T23:35:00.012+02:00

На 12.05.2008, официјално започна со работа новиот оператор во областа на фиксната телефонија - Онтел, произлезен од ОнНет. Најавени се бесплатни разговори помеѓу корисниците во мрежата на Онтел, а и 60% пониски цени од досегашните, почнувајќи од Скопје па ширејќи се понатаму. Исто така би требало да има и бесплатни приклучоци кон мрежата на Онтел.

Македонски Железници - оптика

2008-04-26T13:18:00.006+02:00

Извор - А1 Телевизија:

---
Оптичкиот кабел на „Македонски Железници“ ќе го користат ВИП оператор и „Теле Смарт“. Железницата ги избра двете фирми на кои ќе им го изнајмува оптичкиот кабел а преку кој може да се даваат услуги во фиксната, мобилната телефонија и интернет.

Во следната фаза МЖ ќе го понуди на користење и останатиот дел од оптичкиот кабел што го поседува.

„Со ставање во функција на нашиов оптички кабел, отворена е можноста за понатамошна либерализација на информатичкиот сектор во Република Македонија, со што практично би се овозможило цените на интернет услугите на сите овие фирми, компании и услуги кои што се од оваа област да бидат веќе драстично намалени со самото тоа што ќе има можност повеќе фирми да се појават на овој сектор“, изјави Никола Димитровски, директор на МЖ „Транспорт“.
---

MT - ребрендирање II

2008-04-21T16:39:00.002+02:00

Официјално МТ ќе се ребрендира во „Т-Home“ - објавено на сајтот на Македонски Телеком.
Цитат од сајтот на МТ (линк):

---

На денешната прес конференцијата, во хотел “Холидеј Ин”, Македонски телекомуникации го најави ребрендирањето на компанијата и влегувањето на светски познатиот T- Home бренд на македонскиот пазар. Македонски телекомуникации е првата компанија во рамките на интернационалната ДТ групација, којашто ќе ја следи новата бренд архитектура, за прв пат претставена во Германија во мај, 2007 година.

Од 1 мај 2008, новото трговско име на компанијата ќе биде Македонски Телеком - акционерско друштво за електронски комуникации – Скопје.
Т брендот е синоним за квалитет, иновација и едноставност. Под брендот Т, компанијата ќе им нуди на своите корисници широк спектар на телекомуникациски услуги, вклучувајќи ги и понудите за деловните корисници. Т-Мobile брендот се однесува за понуди од мобилната телефонија, а Т-Home брендот ќе им овозможи на корисниците да го пренесат светот на комуникации и забава во својот дом.

На прес конференцијата се обратија Главниот извршен директор на АД Македонски Телекомуникации, Николај Бекерс, Претседателот на Одборот на директори на МТ, Жарко Луковски, како и Потпретседателот за управување со брендот на Deutsche Telekom, Тобиас Шмидт.

Во оваа прилика главниот извршен директор на МТ изјави: “Го носиме T- Home брендот, за да им овозможиме на корисниците слободен пристап до најновите светски достигнувања во сферата на модерните телекомуникациски услуги. Новиот бренд идентитет ќе значи транспарентна и навремена реакција на корисничките желби и потреби. Целта е да понудиме комплетно портфолио на услуги, креирани според индивидуалните потреби на корисниците; Ова значи дека ќе овозможиме избор, затоа што одредени корисници имаат потреба само од фиксна телефонска линија, а други бараат комбинација на фиксна линија, брз пристап до интернет и интерактивна телевизија.” Тој нагласи дека T- Home ќе биде лојален партнер на корисниците, правејќи го секојдневието едноставно, удобно и забавно.

Со прифаќањето на новиот бренд компанијата ќе стане член на најголемато светско телекомуникациско семејство. Со ова македонските корисници ќе имаат можност, заедно со уште над 150 милиони корисници, да ги уживаат привилегиите кои ги нуди Т брендот во над 50 земји низ целиот свет. VoIP и IPTV се значаен дел од услугите, кои ќе им бидат понудени на корисниците.

Процесот на ребрендирање се планира да заврши во Мај 2008 година. Ребрендирањето на Македонски телекомуникации е од големо значење и за компанијата и земјата, и е резултат на постојаната посветеност на квалитетот на услугите и грижата за корисниците во изминатите години.
Македонски телекомуникации е лидер на пазарот на телекомуникации во Македонија, а како акционерско друштво постои на македонскиот пазар од 15 јануари 2001 г., кога унгарскиот телекомуникациски оператор Magyar Telekom (поранешен Матав) влезе во акционерската книга на МТ како сопственик на 51 % од акциите, на тој начин станувајќи доминантен сопственик на компанијата.

---

Завршен цитат.

МТ - ребрендирање I

2008-04-18T18:39:00.007+02:00

Цитат изваден од „Утрински Весник“ (линк):

---

Граѓаните ќе имаат можност да одберат дали ќе сакаат само фиксен телефон, Интернет или ИПТВ

„Македонски телекомуникации“ од 1 мај годинава ќе добие ново трговско име - „Македонски телеком“. Ова вчера свечено беше најавено од менаџментот на компанијата. Освен новото име, „Македонски телекомуникации“ го најавија и влезот на светски познатиот „Т-хоум“, бренд на „Дојче телеком“ на македонскиот пазар. „Т-мобиле“ брендот се однесува за понуди од мобилната телефонија, а „Т-хоум“ за фиксната телефонија и забава во домовите. Под брендот „Т“, компанијата ќе им понуди на своите корисници широк спектар на телекомуникациски услуги, но и нови цени. Согласно со ребалансот, некои цени ќе бидат повисоки, а некои разговори ќе бидат бесплатни.

„Граѓаните ќе имаат можност да одберат дали ќе сакаат само фиксен телефон, дали Интернет, или ИПТВ. Во контекст на тоа ќе се коригираат и цените на некои разговори, па на пример оние што ќе разговараат од 19 часот попладне до 8 часот изутрина ќе можат да го прават тоа бесплатно“, изјави Николај Бејкерс, главен и извршен директор на МТ. Бејкерс најави и намалување на интерконекциските цени заради фер конкуренција.

„Го носиме брендот ’Т-хоум‘ за да им овозможиме на корисниците слободен пристап до најновите светски достигнувања во сферата на модерните телекомуникации. Ќе овозможиме избор, затоа што некои корисници имаат потреба само од фиксна телефонска линија, а други бараат комбинација на фиксна линија, брз пристап до Интернет и интерактивна телевизија“, изјави Бејкерс.

Процесот на ребрендирање се планира да заврши во мај годинава. Ребрендирањето, како што рече претседателот на одборот на директори на компанијата Жарко Луковски, ќе чини неколку милиони евра, а целиот трошок ќе падне на товар на централата „Дојче телеком“. По повод ребрендирањето, на Светскиот ден на телекомуникациите - 17 Мај, на Градскиот плоштад во Скопје „Македонски телеком“ организира прослава на која ќе настапуваат „Шугабејбс“. (А.С.)

---

Завршен цитат.

Седум кандидати за директор на АЕК

2008-03-23T23:52:00.006+01:00

Цитирам:

---

“Комисијата , како орган на Агенцијата за електронски комуникации донесе одлука да се распише конкурс за именување директор на Агенцијата. Огласот беше објавен на 10 март и траеше до 17 март. Во предвидениот рок, досега пристигнаа 7 пријави, што значи дека имаме голема заинтересираност на кандидати за оваа функција. Согласно одлуката на Комисијата, во наредниот период ќе биде направено писмено тестирање на пристигнатите пријавени кандидати. Сите оние кои што ќе освојат минимум 70 од вкупно можните 100 поени ќе бидат повикани на усно интервју”.
Ова во текот на состанокот, го изјави претседателката на Комисијата на Агенцијата за електронски комуникации Софче Јовановска, на инсистирање и поради големото интересирање на медиумите околу изборот на прв човек на регулаторното тело во сферата на електронските комуникации.
“Со комплетно завршување на постапката предвидено согласно одлуката, изјави Јовановска, ќе биде напрвен изборот на директор на АЕК со мандат од 5 (пет) години, согласно Законот за електронски комуникации. Заради зачувување на приватноста на лицата кои што конкурирале во моментот, пријавените кандидати нема да ги именуваме.
Во моментот, на состанокот само ги констатиравме пристигнатите документи, а на следниот состанок на Комисијата ќе бидат сите детално разгледани”, заклучи Претседателката на АЕК.

---
завршен цитат

Извор: сајтот на АЕК

NexCom - WiMax

2008-03-21T20:46:00.012+01:00

NexCom е компанија во сопственост на NEXCOM Telecommunications LCC од Америка, која што се занимава со развивање на VoIP технологијата. Распространета е во 19 земји, меѓу кои една од нив е и Македонија. Со бизнисот во Македонија започна некаде во 2005 година.

NexCom со добивањето на WiMax лиценца почнаа со поставувањето на базните станици во Скопје, а како што најавуваат паралелно ќе започнат и во другите градови. Нивната понуда опфаќа WiMax интернет и телефонија. Пакетите сеуште не се официјално објавени. Најверојатно ќе има 256/512/1024/2048Kb/s (загарантирана брзина) интернет пакети + телефонија (според она што е кажано на нивниот сајт). Се работи за еднаква брзина на пренос на податоци - еднаква брзина на upload-от и download-от. Во овој период имаат поставено пробни линкови. Телефонијата ќе функционира и на локално и на глобално ниво, со што повиците кои што се остваруваат во мрежата на NexCom ќе бидат тарифирани со посебна тарифа. Исто така би требало да има и пакети за физички лица.

Надградба

2008-03-07T16:48:00.004+01:00

Неофицијално:

Поради одредени поправки и надградби на мрежата деновиве на одрдени места има шанси да дошло до локален прекин на интернетот преку МТ (Скопје - Центар, а можеби и пошироко). Состојбата би требало да биде стабилизирана за скоро време (најверојатно сега е во ред).

3G цени

2008-02-22T14:02:00.020+01:00

Цените кои што ќе ги нуди Космофон (големи и малопродажни) со спроведувањето на 3G технологијата во неговата мрежа се достапни на следнава адреса (АЕК).
Напомена: Тие се без пресметан ДДВ.

Има одредена разлика од оние кои што се сега понудени, особено во ценатата на интернет пристапот помала би требало да биде за окулу 15 пати од онаа што е сега (106 денари за 3MB - нешто слично со понудата на Т-Мобиле, само што Т-Мобиле тарифираат на 10KB сообраќај).
Најавената нова цена е окулу 2 денари за 1MB сообраќај (како и да е поинаку е од она што беше), незнам дали би било многу револуционерно доколку вкупната цена нема фиксна граница, сепак мора да се исклучи варијантата - правење милионски суми, што си е сигурно сигурно си е, добро би било да се избегне евентуално влегување во несакани ситуации. Цените на повиците и останатите услуги се нешто поразлични од оние кои што се сега (во зависност од тоа кој пакет го земаме за референтен).

МТ - прекин на интернетот

2008-02-14T20:00:00.006+01:00

На ден Петок, (15.02.2008) Македонски Телекомуникации од 02 AM до 07 АМ часот целосно ќе прекинат со спроведувањето на интернет услугата. Причината е обнова на интернет мрежата - официјално е објавено на сајтот на Македонски Телекомуникации.

Цитирам:
---
„Врз основа на одобрените инвестиции во интернет мрежата, од страна на Одборот на директори на АД Македонски телекомуникации, а со цел дополнителни подобрувања на квалитетот на услугите, ги информираме сите корисници на интернет услуги дека на 15 февруари, 2008 година, започнува првата фаза од планираните активности за обновување на интернет мрежата.

Поради преземањето на вакви сложени и обемни активности, во петок 15 февруари во раните утрински часови (од 2 до 7 часот ) следува прекин на сите интернет услуги.
За време на тој период корисниците нема да можат да ги користат интернет услугите на АД Македонски телекомуникации.

За сите дополнителни прашања, на располагање ќе биде тим од технички експерти, а сите наши корисници можат да се обратат и на бесплатниот телефонски број 171, при Контакт центарот на АД Македонски телекомуникации.“
---
Завршен цитат.
изворен линк

Значи може да се очекуваат прекини на спроведувањето на услугата интернет кај сите останати провајдери кои што земаат линкови преку МТ во овој период.

3G дозвола

2008-02-07T15:41:00.000+01:00

Космофон го доби одобрението за користење на фрекфенциите и спроведување на услуги од типот на пренос на податоци од 3G технологијата (25 јануари 2008), со почетна понуда (еднократна) од 10 милиони и 500 илјади евра (минимален услов на тендерот за еднократно плаќање - 10 милиони евра). Најдоцна парите треба да ги платат до 10 февруари 2008, а дозволата финално ќе ја добијат на 11-02-2008. На јавниот тендер за доделување на еднинечна дозвола за 3G кој што се одржа на 11-01-2008 настапија Т-Мобиле Македонија и Космофон, по констатацијата дека понудите и на двата провајдери се комплетни одлучено е дека најповолен понудувач е Космофон. Времетраењето на дозволата е 10 години, со можност за продолжување. Критериумот на избирање ги опфаќал еднократниот надомест, големопродажните цени и цените за граѓаните.

„Развигор“

2008-01-28T20:10:00.001+01:00

Поради „развигорот“ што ја мавна Македонија, а и Балканот воедно, деновиве во одредени краишта имаше проблеми со интернетот, исто и со кабелската. Се работеше за повремени прекини, но не е исклучена варијантата некаде да немало подолго време. Исто така имаше и проблеми со струјата, од повремени варијации, па се до подолготрајни локални прекини. Како што разбрав имало и паднато оптика некаде од кабелскиве оператори. Тоа е... ветер вее...
На оваа слика очигледно се гледа сериозноста на елементарната непогода што не зафати - дури и телефонската говорница не издржала. Исто така имаше на некои места и по некој превртен билборд, извадени табли од фасада, подоткорнати ролетни, разлетани заштитни мрежи по градилишта и слично. Се прашувам каква судбина имале некои од канопиата и сателитските антени...

Неотел - WiMax Бизнис

2008-01-26T02:25:00.000+01:00

Нешто пред крајот на 2007 интернет провајдерот Неотел доби лиценца за WiMax. Кон крајот на 2007 тој излезе со WiMax понуда за бизнис корисници. Сепак понуди за физички лица сеуште не се објавени.
Според официјалниот сајт на Неотел постојат 4 бизнис понуди.
Neotel business WDSL:
Neotel 15
Брзина: 1.5Mb/s
Лимит: 15GB
Цена: 1 522ден

Neotel 55
Брзина: 2Mb/s
Лимит: 55GB
Цена: 3 528ден

Neotel 105
Брзина: 3Mb/s
Лимит: 105GB
Цена: 5 888ден

Neotel Unlimited
Брзина: 3Mb/s
Лимит: нема
Цена: 8 248ден
Теоретски максимум:
(100% остварување на услугата)
949,2GB download + 949,2GB upload = 1898,4GB = 1,8TB вкупен сообраќај
*во пресметката е земено дека upload и download брзината се еднакви на 3Mb/s

Цените се на месечно ниво.

Се надевам дека за одредено време ќе понудат нешто попристапно за физички лица.

ОнНет Solo Mini

2008-01-06T19:39:00.000+01:00

Во меѓувреме ОнНет излезе со нова понуда - Соло мини. Понудата се остварува преку ADSL варијанта (како останатите ОнНет соло понуди). Спецификации на пакетот:

Цена за приклучување (еднократна): 1.994 ден. со можност плаќање на 12 рати
Цена за инсталација (опционално): 999 ден.
Редовна месечна минимална цена на пакетот: 235 ден. (по 24.01.2008 инаку дотогаш е 117ден. промотивно)
Договор: да, на ниво на Соло пакетите, значи 12 месеци.
Корисник на Solo Mini може да мигрира кон останатите Solo пакети со соодветна миграциона постапка, додека обратното не е можно.
Брзина: 1024Кb/s download, 256Kb/s upload (не пишува до, само 1Mb/s и 256Kb/s...)
Месечен трансфер вклучен во претплатата: 100MB, бројачот се рестартира на први месечно, неискористениот сообраќај не се префрла во наредниот месец
Што по надминувањето на лимитот: за секои додатни 512MB - додатни 117 ден и се така натаму...
Опрема: опремата е во сопственост на ОнНет и по завршетокот на користењето на услугата корисникот е должен да ја врати на ОнНет. Наведено е дека корисникот мора да се однесува како добар домаќин кон опремата што значи - да ја врати неоштетена.
Исто така корисникот не смее да користи друга опрема освен онаа од оннет или од овластени партнери на оннет.
Активација на услуга: 10 работни дена
Адреса: Динамична

Теоретски максимум на трансфер и цена (земено е 100% спроведување на услугата и постојан трансфер на месечно ниво, пресметано за 30 дена):
Download: 316,40625GB
Upload: 79,1015625GB
Вкупно: 395,5078125GB
Максимална цена: 92 665ден.

Неофицијално Телекабел под стечај??

2007-12-22T18:58:00.000+01:00

Неофицијално:

На 19.12.2007 во основниот суд во Штип е донесено решение со кое се отвара стечајна постапка за кабелскиот оператор Телекабел. Судот ги повикува сите должници кон Телекабел да ги подмират своите долгови преку стечајниот управник Димитрија Абаџиев од Штип. Според судското решение долговите што ќе ги исплатат корисниците и останатите субјекти ќе бидат префрлени на посебна сметка и ќе одат во стечајната маса. Причината на ова е тужбата од страна на ЗАМП поради неплатен долг од страна на операторот за реемитување на содржини. Испитното и извештајното рочиште за побарувањата за Телекабел од страна на Здружението за заштита на авторски музички права ќе се одржи на 25ти јануари 2008.
ЗАМП бараат од Телекабел исплата на 1.8 милиони денари плус дополнителна камата. Тужбата била покрената во февруари годинава, по што судот пресудил во корист на ЗАМП. Во мај судот ја блокирал банкарската сметка на Телекабел. ЗАМП не сакаат да откријат детали за случајот освен тоа дека е покренат судски процес против Телекабел. Безразлика на судската постапка корисниците на Телекабел кои што регуларно си ги подмируваат сметките ќе продолжат да добиваат кабелска телевизија.

Информациите се објавени од страна на: NetPress и Време

---

Едит (23-12-2007):
Зоран Илиев споственикот на Телекабел изјавил за Вечер дека нема стечаен процес за Телекабел.
„- Сто проценти тврдам дека нема никаков судски спор и дека најверојатно не станува збор за нашата фирма - изјави за ВЕЧЕР Илиев.“
Вечер тврдат дека според нивните извори станува збор за фирма ќерка на Телекабел. (Вечер Линк)

---

„Од друга страна пак денес Виктор Гроздановски од асоцијацијата на приватни електронски медиуми (АПЕЕМ) тврди дека ЗАМП поседуваат фалсификуван договор за хрватската телевизија ТВ Нова. АПЕЕМ провериле кај правната служба на ТВ Нова и од таму добиле одговор дека тие со никој немаат договор за реемитување на нивната програма. Денес неможевме да стапиме во контакт со надлежните во ЗАМП, а рекоа дека предстечаните постапки и побарувањето на долговите од своите коминтети го сметаат за службена тајна.“ (Канал 77 Линк)

Преводи ли се преводи...

2007-12-11T16:17:00.000+01:00

Советот за радиодифузија почна да дели прекршочни пријави на некои од кабелските оператори. Работава е: немање превод на македонски јазик на странските канали. Советот се повикува на законот за радиодифузна дејност кој што гласи дека програмите што се реемитуваат и се титлуваат на поинаков јазик од оригиналниот мора да бидат преведени на македонски. Испратени се барања до Министерството за култура и до Инспекцијата за авторски права да ја проверат работата на сите кабелски оператори. Исто така ќе се врши проверка на тоа дали кабелскиот оператор емитува нелегално содржини за кои што нема склучено договор за уредување на авторските права. Казните се движат од 3000 до 5000 евра, а исто така и од 6 месеци до 2 години одземање на дозволата за работа. Советот веќе му има наложено на Cabletel да престане со емитувањето на некои од каналите како Nova, Vision plus, и др. се додека не поднесе валидни документи дека ги има подмирено авторските права со нив.

Воведен префиксот 072

2007-11-26T20:58:00.000+01:00

T-Мобиле МК од 01.12.2007 го воведува во користње префиксот 072. Тие тврдат дека ова додавање на нов префикс е резултат на големиот број на корисници во Македонија кој што изнесува преку еден милион.

АЕК - тендер за 3G

2007-11-16T19:43:00.000+01:00

12.11.2007 - ЈАВЕН ТЕНДЕР БР. 02-3950/1

Агенцијата за Електронски Комуникации распиша тендер за спроведување на јавни мобилни комуникациски мрежи и услуги - 3G (стандард IMT-2000/UMTS). Дозволата за работа важи на територијата на цела Македонија. Ќе се користи фрекфенцискиот опсег:
- 2x15 MHz: A1 (1920-1935 MHz) и A1' (2110-2125 MHz) UMTS FDD и
- 5 MHz a’ (1900-1905 MHz) UMTS TDD
Времетраењето на дозволата ќе биде 10 години со можност за продолжување. Право на учество на тендерот имаат сите физички или правни лица од земјава или од странство. Тие што ќе ја добијат дозволата за работа мораат да почнат со работа во рок од 6 месеци од добивањето на истата, за 1 година треба да воспостават 50% покриеност, додека за 2 години 100% покриеност на територијата на Република Македонија. Најнизок почетен еднократен износ за добивање на дозволата за работа изнесува 10.000.000 евра. Подетално во целосната верзија на тендерот која што можете да ја видите овде или овде.

Игнорирањето - Ваш најголем (не)пријател...

2007-11-14T23:25:00.000+01:00

... а единствена карактеристика.

Јас на 25 септември без никакво двоумење си пуштив ADSL 100 на мојата телефонска линија. Целиот пресреќен, најпосле низ мојата PSTN линија ќе протече многу порнографија.

Единствениот секс го добив од МТ а јас го попив. Од првиот ден брзината на download во текот на целиот ден не се искачува над 200 килобита, само некои денови околу 5 часот е на задоволително ниво односно ~1700 килобита. 10 налози отворија од 080012345, сите ги затворија после одредено време а ниту еднаш не дојдоа на лице место да го проверат проблемот. Дадов и 2 приговора, и двата ми ги одбија како неосновани (повтарам, а ниеднаш не дојдоа да проверат фактичка состојба). Веќе ни од 080012345 не знаат да ме советуваат што да правам.
Не мислев да постирам за ова, се надевав проблемот ќе се реши сам од себе, 2 месеци веќе изминаа ебаго. Ама бидејќи гледам дека тоа не е во план а бројот на незадоволни корисници расте, се решив на ова. Епа бујрум, пријавувајте проблеми со вашиот ADSL 3/10/100.

Заборавив да напоменам дека ова не е проблем само кај мене, туку цели населени места имаат премногу спор интернет. Најверојатно се работи за проблеми на некои централи. Се надевам ќе дознаеме наскоро кои поточно.

Кој како опстoјува

2007-10-22T22:36:00.000+02:00

МТ
Да почнам од МТ, историјата на МТ е најдолга од сите, поради тоа што МТ беше меѓу првите компании што понудија интернет во Македонија. Најпрвин се почна со dial up интернетот, кој што беше најнепрактичниот интернет за користење и за плаќање, како од техничка така од наплатна гледна точка (техничка мала брзина и непостојана конектираностм наплатна нефиксирана сума на плаќање). Потоа се појави и ADLS-от кој што беше неограничен одреден преиод но со една мала напомена во договорот дека може да биде услугата ограничена на 4ГБ трансфер. И бидна и тоа, се ограничи интернетот, имаше незадоволни корисници, некои останаа со договорите некои ги скинаа зависи кој како можел/сакал. Во меѓувреме се отворија останати провајдери кои што земаа интернет од МТ, исто така ADSLот се користеше и во повеќе јавни и приватни установи и други места така што дали ќе има многу физички лица за користење на услугата интернет или не сепак беше профитабилно за МТ. Исто така тој беше купен од Маџар телеком, а Маџар беше во сопственост на Дојче телеком.

Оннет
Се појавија подоцна од МТ, како нивна конкуренција со залет да го престигнат ADSLот на МТ преку нивниот WADSL. И беше што беше се виде како испаднаа работите некои корисници беа задоволни некои не одреден период. Оннет освен како WADSL спроведе интернет и како WiFi (ограничена територија на Скопје), а денес дава и ADSL пакети кои што се со нефиксирана цена. Исто така се имаат приклучено и во фиксната телефонија преку МТ. Сега се оди на удирање на акцентот на ADSLот и на телефонијата. Исто така нудат и dial up.

Телекабел
Функционираат како кабелски оператор и интернет провајдер. Линковите ги земаат од повеќе провајдери меѓу кои спаѓа и МТ. Досега за нив поплаки можам да речам дека не сум слушнал.

Cabletel
Нудат кабелска телевизија и интернет. Сеуште ги користеа старите линкови од помалите кабелски оператори кои што ги купија. Поставуваат оптика и би требало веќе да биде пуштена. Веќе имаат купено своја IP класа.

Неотел
Купуваат интернет од странски оператори и воглавно до сега нудат бизнис понуди, меѓу кои спаѓа и WiMax-от кој што за година дена би требало да го има и за физички корисници.

Постојат и други помали интернет провајдери, но воглавно интернет земаат од овие поголемиве или евентуално линк од странство.

Наравоучение со или без корисници МТ ќе опстои уште долго време на нашето поднебје (продава интернет на големо), сепак и тој лимит од 4GB се тргна со новите пакети заменувајќи го со друг лимит во зависност од пакетот што значи повеќе физички корисници во оние реони каде што нема конкуренција. Конкуренцијата доколку е вистинска може да биде движечка сила кон подобри и поевтини услуги на пазарот. Кај нас таа барем почна да се зголемува. И како што велам општо гледано еден просек да се направи понудите иако можеби се далеку од добри сепак се стремиме кон прогрес и се надеваме дека во блиска иднина ќе биде подобро.

Простување со Великанот

2007-10-16T13:45:00.000+02:00

Да издвоиме момент од нашето време и да му изразиме почит на Великанот кој што многу рано не напушти.

Великанот, нашето богатство
Тоше Проески, трагична загуба, вечен спомен...

Со почит

Внимание потенцијални корисници/корисници на ADSL (MT)

2007-10-06T14:25:00.000+02:00

Како што сум информиран МТ почнаа да даваат веќе претходно конфигурирани ADSL модеми, кои што всушност се заклучени за конфигурација од страна на корисникот.
Моделите се D-Link 360-R кај кои што корисникот нема пристап значи нема: web interface, telnet, ssh, при обид за скенирање на овој модем се добива дека сите негови порти се затворени, модемот работи во bridge mode. Вакви модеми се ставени во употреба воглавно во Македонија, Унгарија и во Црна Гора. Според информациите овој модем е всушност базиран на D-Link 360-T, а кај него може да се воспостави дирекна контрола од страна на корисникот.

Исто така внимавајте на можните Phishing напади, кои што се актуелизирани во последно време.

Frog Mobile

2007-10-06T14:23:00.000+02:00

Претставуваат уште едно олицетворение на Cosmote, ќе ги спроведуваат комуникациските услуги во Македонија користејќи ја мрежата на Cosmofon. Работат на prepaid варијанта со ваучери и цените се:
БЕЗ ДОДАДЕН ДДВ
Повици кон FROG / други мобилни мрежи / фиксна мрежа: 6,9ден/мин
SMS: 3,9ден/порака
Цените се земени од нивниот сајт наменет за Македонија линк.
Броевите кои што ќе ги доделуваат на нивните корсинице се 0768xxxxx (+389768xxxxx).

Измена

2007-10-02T19:36:00.000+02:00

Телекабел излегоа со измена во понудата за физички лица:
Претплата: 500ДЕН (за интернет) + 350ДЕН (за кабелска) = 850ДЕН
Доплата: за неограничен трансфер 1850ДЕН - цените се сосе ДДВ
Трансфер: 3GB вклучен во претплатата, за секој надминат 1MB се доплаќа 0.5ДЕН се до дополнителни 1000ДЕН при што потоа се намалува брзината со текот на симнувањето а не се доплаќа повеќе. Upload не се наплаќа.
Брзина:
4096/512Kb/s до 3GB
2048/512 од 3 до 6GB
1024/256 над 6GB
*Потоа незнам брзината како ќе се намалува, не ми е проверено, доколку дознаам за одредени измени ќе пишам.
Порано беше:
2048/512 до 4GB
1024/256 од 4 до 12GB
1024/128 од 12 до 30GB
512/128 од 30 до 70GB
256/128 над 70GB
Договор: месечен
Објавено е на инфо каналот на Телекабел, во статистиката за остварен сообраќај кај мене пишува:
Soobrakaj vklucen vo pretplatata: 3.000,00 MB
Така што значи дека е веќе уважена и имплементирана во бројачот оваа измена.

Во меѓувреме:
CableTel имаат веќе купено своја IP класа за некое време со досредувањето на оптиката најверојатно ќе почнат да функционираат подобро.
МТ почнаа со масовни акции на поставување „инфо кампови“ низ Центар (Скопје) а верувам и наокулу. Во нив имаат поставено по 2-3 компјутери на кои што може некој од заинтересираните купувачи да просурфа, исто така имаат поставено луѓе за делење на флаери со септемвриските понуди наокулу.
Оннет со неговата нова понуда најмалку го забележувам низ градов.
VIP се рекламираат поинтензивно, и тие исто така поставуваат „инфо кампови“.
Нешто многу е тивко...
WiMax провајдериве ги нема на по масовно и достапно за физички лица ниво, до сега сметам дека требаше да има некои WiMax понуди, имаше издавање на лиценци, но сеуште нема ништо (Neotel нуди WiMax, но тој е само за бизнис корисници) можеби ќе има некои измени во наредниов период. АЕК веќе ги има предупредено за можно одземање на лиценцата за користење на фрекфенциите Cosmotelco и Nexcom Македонија. Од Nexcom Македонија тврдеа дека во текот на септември ќе почнат со работа и дека за една година ќе опфатат 90% покриеност на населението. За националната лиценца Nexcom плати 151.002 евра. Додека Cosmotelco регистрира фирма под името Друштво за телекомуникациски услуги "Америком" и најавија 60% покриеност на населението во рок од една година. Тие платија 1.500.000 евра за лиценцата.
Исто така издадени се лиценци и на Неотел, Космофон, Истел, Мател и РЖ Услуги. Неотел најави дека ќе почне со поставување на мрежата и до крајот на 2008 година целата територија на Македонија ќе биде покриена. Инаку тој има одобрение за работа во сите 6 региони.
Од Космофон најавија дека планираат да ја зголемат понудата на услуги, исто така и можно влегување и во фиксната телефонија.
Мател најавија дека ќе воведат triple play услуга - интернет телефонија, телевизија и интернет. Овие провајдери платија над еден милион евра за добивање на лиценците.

По дождот...

2007-09-26T18:22:00.000+02:00

Веќе некое време се зборува за CableTel со неговите нови понуди кои што скоро беа објавени на нивниот сајт.

„Extra“
Трансфер: 2GB
Брзина: 1536Kb/s download 512Kb/s upload
Цена: 450ден

„Home“
Трансфер: 10GB
Брзина: 2048Kb/s download 512Kb/s upload
Цена: 950ден

„Профи“
Трансфер: неограничен
Брзина: 4096Kb/s download 512Kb/s upload
Цена: 1450ден

„Профи за правни лица“
Трансфер: неограничен
Брзина: 4096Kb/s download 512Kb/s upload
Додатно: ТВ приклучок
Цена: 1800ден

Во понудите не е наведено што по тие 2 или 10GB, дали ќе се намали брзина, ќе нема услуга или ќе се наплаќа дополнително, исто така не е наведено дали има намалување на брзината во „неограничениот“ пакет.
Тие се напишани такви какви што се дадени од страна на провајдерот, сеуште постојат жалби од страна на корисниците за блокирање на порти, нестабилност на мрежата во одредени реони (паѓање, мала брзина), исто така оние кои што веќе имале договор склучен за некој од претходните пакети (имаше а и најверојатно уште има годишни договори) велат дека неможат да мигрираат на некој од новите. Сепак треба да се земе во предвид дека се во фаза на средување на мрежата (најверојатно...), без брзање без обврзувачки договори, ќе видиме што како ќе биде.

Патем, скоро помина месецов. Некои се префрлија, некои си останаа на своите стари ISP-а, а некои и воопшто не користат интернет - кој како можел/сакал. Видовме како се покажаа провајдерите со нивните пакети. Дали и колку сте задоволни од септемвриските измени? Мислите ли дека заслужувате повеќе за Вaшите пари? Да бидеме реални:

Колку fair usage е fair кај нас?

Линк до анкетата

Понуди и GPRS Интернет со ВИП

2007-09-20T16:58:00.000+02:00

1MB=70.8 денари со вклучен ДДВ

Ова го пишува во нивната „Промотивна Припејд Тарифа“. Од најпрво кажаното сега почнуваат да наsираат и други нешто повисоки цени на разговорите во текот на денот („Основен Кориснички Пакет“) додека ноќе цените се нешто пониски. Убедливо ВИП со цената на GPRS-от која што ја нуди овде е интернет провајдер (штом продава услуга интернет) со највисоки цени во Македонија а најверојатно и во светот.

Чисто промотивно ако станете нивен корисник до 21 октомври ќе бидете на пакетот со:

Повици кон сите национални мрежи: 9.09ден со вклучен ДДВ

SMS (ден./порака): 4.72ден со вклучен ДДВ

MMS (ден./порака): 17.7ден со вклучен ДДВ

GPRS (ден./MB): 70.8ден со вклучен ДДВ

Во спротивно ќе бидете префрлени на поинкаво тарифирање, такво какво што ќе биде определено за тогаш кога ќе станете нивен корисник. Дали понудиве се толку извонредно конкутентни и евтини?...

ВИП

2007-09-13T21:24:00.000+02:00

Мобилком Австрија влезе на Македонскиот пазар во февруари годинава, приложувајки најдобра понуда на тендерот. Во понудата условот беше дека компанијата мора да има најмалку 2 милиони корисници и годишен приход од најмалку 300 милиони евра за 2004 и 2005 година. Операторот ќе се вика „ВИП“, за него Мобилком ветија дека цените во нормална тарифа ќе бидат намалени за 50% (од сегашните 928,8 денари цена на просечен кориснички пакет ќе се намали на 473 денари) , а во ниска тарифа за 67% (од 675 денари на 232,5 денари). Мобилком беше обврзан да даде писмена изјава дека ќе почне со работа во рок од 6 месеци по добивањето на дозвола за користење на радиофрекфенциите и исто така дека ќе обезбеди 90% покриеност со сигнал на населението во рок од 4 години.
Објавено е дека се вработени окулу 100 домашни експерти во македонската филијала, за дозвола за работа во времетраење од 10 години однапред се платени 10 милиони евра а таа дозвола автоматски би се продолжила и по тие 10 години за плус наредни 10. Мобилком исто така тврдат дека планираат да инвестираат 50 милиони евра во наредниот период.
Доколку не се држи по правилата неговата лиценца за работа може да биде одземена.

ВИП на почеток ќе работи користејќи ја инфраструктурата на Т-Мобиле Македонија преку национален роаминг, а потоа би требало да постави свои пристапни точки.

Новиот оператор сеуште ги нема соопштено цените, не се знае дали ќе нудат интернет и не се знае со сигурност кои ќе бидат пакетите. Во Скопје - Центар е пуштена пробна мрежа (MKD-03) која што моментално е во фаза на тестирање. Според најавеното би требало да почне со работа по 20-ти Септември оваа година. Префиксите кои што ќе ги користи овој оператор ќе бидат 077 и 078.

Мобилком исто така функционира во Австрија, Србија, Хрватска, Словенија, Лихтенштајн и Бугарија. Цените овде, во Македонија според она што е веќе кажано нема да бидат како на пример во Србија - постои само една тарифа 4 денари минута кон сите мрежи во земјата, или пак во Хрватска 7 денари минута кон сите мрежи во земјата.

Во меѓувреме кружат гласини дека можеби за скоро време ќе биде распишан нов тендер за четврт мобилен оператор.

Edit 19-09-2007:
Денес (19.09.2007) „ВИП“ почна со работа.
Нивната единствена понуда е објавена на нивниот сајт цитирам:
„...за 7,7 денари (9,09 денари со вклучен ДДВ) кон сите мрежи... ...корисниците плаќаат 200 денари за СИМ картичката... добиваат СИМ со 200 денари кредит за разговори)...“

Edit 20-09-2007:

GPRS интернет: 1MB=71ден

Септемвриско есапење - споредба на интернет пакети

2007-09-07T01:06:00.000+02:00

Значи дојде септември и веќе имаме придвижување кон подобро со новите интернет пакети на Телекабел, Мт-нет и Он.нет. Споредбата се прави врз основа на она "видено-купено" бидејќи сеуште нема некои искуства со било кој од пакетиве и сеуште се само на "хартија" видени. За споредба се земени најјаките пакети за физички лица од секој провајдер.

Во овој пост ќе се обидам да им дадам можност на оние што размислуваат да си стават интернет дома кој интернет сервис провајдер да го одберат, сакаат да се префрлат на друг поради подобра понуда или сакаат да се префрлат на друг интернет пакет во истото ISP на кое се сега.

Напомена: Технички, сите пакети нудат неограничен интернет во однос на тоа колку може да се симне... нема одредена граница после која провајдерите ја исклучуваат целосно конекцијата до наредниот месец.

Прво ќе објаснам за Телекабел бидејќи тие имаат еден универзален пакет.

Телекабел:

БРЗИНА: 4096/512 Kb до 3 GB, 2048/512 Kb до 6 GB, 1024/256 Kb до крајот на месецот
ДОГОВОР: нема временски ограничен договор
ОПРЕМА: кабелски модем Motorola Surfboard (4200E/5100Е/5101E), купен или од ТК (1000/3000 ден.) или од друго место
СИГУРНОСТ: далеку поголема сигурност од останатите - нема username/password (нема можност за крадење интернет)
ПОДДРШКА: Форумот е запуштен, телефонски број за техничка поддршка не забележав на сајтот а откако го објавив постот ми беше даден 2446-288 и инфоормација дека секогаш дигаат и скоро секогаш помагаат.
ЦЕНА: 1500 ден./месечно
ОСТАНАТО: статична адреса; upload не се брои (одлично за торенти)

МТ-Нет:

БРЗИНА: 2048/256 Kb до 100 GB, 64/64 Kb до крајот на месецот
ДОГОВОР: една година или на неопределено време
ОПРЕМА: DSL модем од МТ (1800 ден.) или од друго место
СИГУРНОСТ: username/password, голема можност за крадење на интернет од страна на останати корисници
ПОДДРШКА: На бесплатниот 0800 12345. Професионална и услужлива.
ЦЕНА: 1887 ден./месечно за неопределено време, 1651 ден./месечно за една година
ОСТАНАТО: динамична адреса (одлично за шеринг сајтови како Rapidshare)

ОнНет:

БРЗИНА: 2048/256 Kb до крајот на месецот
ДОГОВОР: една година
ОПРЕМА: бесплатен DSL модем од ОнНет или од друго место
СИГУРНОСТ: username/password, голема можност за крадење на интернет од страна на останати корисници
ПОДДРШКА: Online, иако многу тешко дека ќе ги начекате да се online. Yahoo! IM/MSN/ICQ/VIP, и тука многу ретко можете да ги начеката. Трета можност ви е на 02/309 99 99. Непрофесионална и некорисна според мое лично едногодишно искуство. Слаба точка во нивната фирма се само вработените. А да, и по форуми и блогови можете да ги начекате често, сурфаат додека се на работа, па ако сте среќници ќе ви одговорат ако имате некој проблем.
ЦЕНА: 1758 ден./месечно
ОСТАНАТО: динамична адреса (одлично за шеринг сајтови како Rapidshare); доплаќање 106 ден./1 GB над 100 GB (нема намалување на брзина)

Ај сега малку математика.. ако се земат максималните теоретски брзини, под претпоставка дека има пуштено download 24/7 и врската не паѓа ниту една секунда (за ТК не се смета upload во лимитите, ама тука е земен):

Роби (Телекабел, Теленет, МОБИ..):

Вкупен максимален теоретски проток: 4608 Kb (576 KB/s), 2304 Kb (288 KB/s), 1280 Kb (160 KB/s)
Трошење на лимитот: (3 GB/6 GB) со соодветната брзина за: 1.5 h/3 h
Максимален теоретски трансфер во остатокот од месецот: 392 GB
Максимален вкупен месечен трансфер: 398 GB
Цена: 1500 ден.

МТ-Нет:

Вкупен максимален теоретски проток: 2304 Kb (288 KB/s), 128 Kb (16 KB/s)
Трошење на лимитот (100 GB) со соодветната брзина за: 101 h
Максимален теоретски трансфер во остатокот од месецот: 34 GB
Максимален вкупен месечен трансфер: 134 GB
Цена: 1887 ден./месечно за неопределено време, 1651 ден./месечно за една година

ОнНет:

Вкупен максимален теоретски проток: 2304 Kb (288KB/s)
Трошење на лимитот (101 GB) со соодветната брзина за: 102 h
Максимален теоретски трансфер во остатокот од месецот: 610 GB
Максимален вкупен месечен трансфер: 711 GB
Цена: 1758 ден. + 64660 ден. доплаќање за останатите 610GB

Да повторам уште еднаш - ова е ако се остави компјутерот уклучен 24/7 и конекцијата се искористува до последниот бит цело тоа време. Вредностите погоре се само теоретски и се разликуваат од практичните вредности (дали многу или малку зависи од провајдерот).

Последна напомена: Деловите во италик се мои (Princ, ако сака некој да ме тепа знае кај живеам) додека се останато е напишано од P. Overdrive, член на форумот Кајгана.

*Да ми простите што тек сега ставам илустрација, ама но.нет во понеделникот ми го избришале јузерот за WADSL кое нивната техничка поддршка ми го оправда како "технички проблем". Мене од друга страна, кур ме боли за нивните технички проблеми. Доста ме болеше цели 10 месеци, no more. Ако сакаат да ме избришат од нивни тефтер, нека го направат тоа веќе. Сега веќе и јас сакам.

Анета, ако ме читаш (а не се сомневам во тоа), имам една порака до тебе: Спакувај ми ги куферите, сакам да се разведиме!*

И Оннет со нова понуда!!!

2007-09-04T20:53:00.000+02:00

Тргна работава, што би се рекло...
Инаку понудата е ОК и се работи за АДСЛ (жица). Кој ќе склучи договор добива опрема на користење беспари и нема никакви трошоци за инсталација. Значи опремата НЕ се купува и НЕ се рента. Финтата со 1 денар до нова година е „шизичка“.

ЕДИТ: Бидејќи целот пост беше погрешно протолкуван, го избришав спорниот дел и сите коментари.

ЕДИТ2: Дали некој знае од коге ќе се почне со оваа понуда и дали ќе им се понуди некаков попуст на постоечките WADSL корисници? Ги контактирал ли некој? Претпоставувам дека меѓу „бежичните“ корисници има многу со исклучена фиксна линија. Понудата за WADSL се базираше на премисата дека „не ви треба телефонска линија“. Што ќе прават овие корисници? Ќе останат заглавени во лошиот WADSL, кој ако ја следи политиката на оннет, најверојатно ќе биде оставен да „умре“? Како што се случува со славното „на ББЦ рекламирано“ WIFI ONNET...

ЕДИТ3: Ако некој може нека го најде договорот за АДСЛ меѓу оннет и мтнет, кој би требало да е јавен. Чисто да видиме каков е дилот и дали оннет АДСЛ има шанси да живее...

CableTel

2007-09-04T00:11:00.000+02:00

„...Опрема на компанијата Кејблтел во вредност од околу 200.000 денари, била украдена вчера во општина Аеродром. Според информациите на кабелскиот оператор, биле обиени три ормари со опрема за дистрибуција на телевизиски, интернет и телефонски сигнал на булеварите Јане Сандански број 35, на АВНОЈ бр.34 и на Јане Сандански меѓу броевите 83 и 91...“ Кражбата се случила на 31.08.2007.
Линк

Некаде во април Бугарско-Американската компанија CableTel започна да купува одреден број на помали кабелски оператори во земјава за нив плати 20 милиони евра, а вети дека ќе вложи уште 20 милиони евра за нивно развивање. Беа купени: Зора, Зора кабел, Кабелскоп, Максат и Наумовски, Кабелсат, Галакси, сите од Скопје, Кабелфокс од Кочани, Астра99 и Старкс од Куманово, Кадис 2002 од Штип, Спринт и Мултиком од Велес и Сат Медиа од Тетово. Оваа компанија ветуваше дека ќе воведе подобар интернет, ветуваше дека ќе биде сериозна конкуренција на МТнет. Сепак сеуште според поплаките од нивните корисници немаат доволно добро средена мрежа (има прекини, бавно иде и тн.), сеуште се подесуваат фрекфенциите на каналите, сеуште сајтот им претставува само листа на ТВ канали. Интернет понудата е до 2048/512Кб/с за 1500ДЕН, кои што по 15GB сообраќај паѓаат до 256/256Kb/s или до 64/64Kb/s. Колку што сум информиран оптиката треба да им проработи од овој месец или од октомври. Досега со ваков пакет немаат привлечено многу нови корсиници корисници (освен некои од тие што порано биле на поранешниот кабелски оператор, па по неговата продажба останале на CableTel), треба нешто подобро и постабилно, сепак сега почнаа, ќе видиме какви ќе бидат во иднина, времето ќе покаже се.

Анкета

Дали досега ве „изгорел“ некој ИСП и ако е така кој најмногу ве има „изгорено“? Слободно искажете ги своите чувства и емоции тука.

Септември дојде!

2007-09-01T21:37:00.000+02:00

Дојде Септември, состојбата со интернет понудите до некаде се смени, МТНет и Телекабел беа првите провајдери кои што први направија измена во нивните понуди.

МТ (пакетите се со опрема во сопственост на корисникот која што ќе ја купи, додека со опрема од МТ се плаќа дополнително, цените во сообраќај и цена се на месечно ниво):

1. Пакет

Брзина: незагарантирана 1024/256Kb/s по 3GB паѓа на 64/64Kb/s

Сообраќај и цена: 2GB за 825ден, + 1GB = 925ден приближно за договор од 1месец, за 1 година 589 + 100 = 689ден

2. Пакет

Брзина: незагарантирана 1536/256Kb/s по 10GB паѓа на 64/64Kb/s
Сообраќај и цена: 10GB за 1.415ден за месечен договор, додека 1.179ден за договор во времетраење од 1 година

3. Пакет
Брзина: незагарантирана 2048/256Kb/s по 100GB паѓа на 64/64Kb/s
Сообраќај и цена: 100GB за 1.887ден месечно за месечен договор, за договор од 1 година 1.651ден

Дополнително инфо: МТ вели брз, стабилен и неограничен интернет пристап, еве кај лежи зајакот со тоа Flat во системот за проверка на сообраќај, работата е тоа што МТ не разбираат дека кога ЌЕ ОГРАНИЧИШ нешто тоа НЕ Е НЕОГРАНИЧЕНО значи ОГРАНИЧЕНО е. Тие велат дека Ви даваат ограничен flat кој што всушност е чиста контрадикција.

Телекабел:

1. Пакет (Домашни корисници, цените и сообраќајот се на месечно ниво)

Брзина: незагарантирана

4096/512Kb/s до 3GB сообраќај

2048/512Kb/s од 3GB до 6GB

1024/256Kb/s над 6GB

Сообраќај и цена: 1GB за 500ден, потоа секој 1MB се наплаќа со дополнително 0.5ден се до остварување на максимални дополнителни 1000ден, значи 1500ден интернет со неограничен сообраќај но со скалесто намалување на брзината како што напишав во брзина

Дополнително: Upload сообраќајот е бесплатен, договорот е необврзувачки, месец за месец, во понудата за интернет обавезно се става и кабелсака телевизија која што има 85тв канали од кои што 20 се дигитални, исто така доаѓа и радио со 60 радио станици таа чини дополнителни 350ден.

Прикажаните пакети се напишани според понудата од провајдерите, опфатени се само пакетите за физички лица.

Понудите во Македонија кога би се споредиле со понудите од другите земји се далеку од добри, но сепак се стремиме кон подобро, изборот е во рацете на народот и секогаш ќе биде доколку народот знае што избира!

Промените кај МТНЕТ од вечерва

2007-08-31T22:50:00.000+02:00

Се јавија неколку МТНЕТ АДСЛ корисници на кои од вечерва им се променило нешто во АДСЛ статистиката (таму каде што се проверува сообраќај). Во активен пакет стои MAX/ADSL Flat rate или Plus NS/ADSL Flat rate. На различни корисници (макс АДСЛ и макс АДСЛ плус) од вечерва, после подолг прекин денеска, им се појавило ова Флет рејт. Бидејќи скоро сите се со надминат лимит, брзината им е на 64/64, што е малку нелогично, нели? Кај флетрејт, името само кажува, нема лимит и нема капачиња...
Нормално, никој не ги контактирал со евентуална понуда за мигрирање, ниту некој знае со каква брзина ќе продолжат за еден час. Останете „на линија“ да видиме што ќе се случува од полноќ натаму. Исто така треба да се видат како точно ќе се формираат новите пакети.

Дали кај сегашните корисници само се тестира евентуалното нивно мигрирање или тестот е на глобално ниво, допрва ќе видиме.
Дали стварно ќе излезе „фамозниот“ флетрејт пакет или...?

Слободно коментирајте со ваши мислења, желби, предвидувања. Исто така ги молам оние кои приметиле промена во името на активниот пакет нека напишат малку пошироко; што пишувало порано, за кој пакет склучиле договор, дали по промената добиле поголема брзина, дали им се „симнало“ евентуалното капаче и сл.
Благодарам

Нова понуда на МТНЕТ?

2007-08-29T00:45:00.000+02:00

веќе и "teaser" билбордите излегоа.... со црвена боја... изгледа се на мтнет. прочитавме на блогот од разни „сигурни извори“, „братучед ми што работи у мтнет“ и сл. дека мтнет спрема нови пакети...

една работа ме буни; на билбордите има 3 коцки со различна големина, ама на сите стои 2Х. 2 пати повеќе сообраќај е, што?
од „адсл плус“ 20 гига, нели? од најјакиот „профи“ би било 70 гига.... не гледам кој пакет ќе ги добие фамозните 100 гига, ако одиме по формулата "дупло". по таа формула, брзината би се качила на 4Мбпс, што е пола од теоретскиот максимум на адсл.... некој спомињаше адсл2 - значи ли дека ќе имаме и до 12Мбпс брзини?

инаку, денес се јавив на 080012345 за да прашам дали има проблеми у гевгелија (иам една машина на гости таму, па нешо не ми работеше). и така ја го прашуем момакот за триста работи, демек разговараме и на крај комплетно офтопик го прашувам: кога ќе ги објавите новите пакети?
по кратка пауза, момакот вика на први....

Влада на РМ - Бесплатен dial-up - Втора клапа

2007-06-17T23:23:00.000+02:00

Со повикување на бројот 055 858 858, граѓаните од утре до 24 јули ќе можат бесплатно да се поврзат на интернет. Се' што треба да направат е да се најават со корисничкото име: vladanarm и лозинката: ostvaruvame.

Трошоците за телефонскиот импулс и за интернет-пристапот ќе бидат на товар на Владата.

Извор: Дневник

Непристоен предлог

2007-06-11T18:38:00.000+02:00

Не ми се верува на кое дереџе паднавме...
Пред некои 10 дена ми се јави некоја Анета од но.нет (оддел грижа за корисници, најс нејм) со еден непристоен предлог: Бидејќи не биле во можност да ми дадат квалитетен интернет и поради постојаните проблеми (со овие зборови всушност признаа дека имаат проблеми кои 6 месеци не можат да ги решат) сакаше да ми понуди раскинување на договорот или привремено замрзнување на истиот. Јас фино-лепо и реков ако не можат да ми понудат квалитетен интернет нека затворат фирма, а не во исто време дур она мене ми нуди таква перверзија мојот сосед да го поврзуваат на истата никаква базна станица како нивен нов клиент. Нејзиниот коментар беше дека јас сум бил арогантен и ќе ми се јавела покасно. 10 дена изминаа и уште ја нема.

* Ако некој има информација за девојчево, нека остави само коментар дали е здрава и жива, се загрижив за нејзе. Може треба да формирам оддел Грижа за вработени во но.нет :))))

Нејсе, не ми беше тоа поентата на муабетот. Поентата на муабетот ми беше: до кога ќе постои фирмава која продава интернет на хартија, а не го дава фактички? До кога ние корисниците ќе глумиме овци (се повеќе се сомневам во глумава, мислам дека ние навистина сме овци) и ќе бидеме задоволни само да имаме интернет, без разлика на обврските кои сме ги превзеле обострано ние како корисници и тие како компанија која продава услуга (512/128, 10 гигабајти месечно - бујрум 1286 денари месечно)? До кога државава (да не је окривувам сега само власта, јебем ли га, ќе ми се фрлат овие стабилизаториве, преговарачиве, како ли ги викаа) ќе дозволува да постојат вакви квази-компании кои продаваат услуга но не ја даваат?

Народот не го бива или некаде на друго место е проблемот?
До кога Треки ќе мрчи што сме фрлале ѓубре насекаде (демек тоа било јако не-европски) а во исто време фирмата во која работи и во која има некоја улога си игра со нивните клиенти како во турско (ова е европски? вие во европа не би добиле ни дозвола за работа), до кога ќе има техничка поддршка што не може да го поддржи (проблемот), а нивно најлесно решавање на проблемот е "не кревај слушалка"? До кога бре?

Edit: заборавив да спомнам дека постов го пишувам од интернет кафе. Последниве 3 месеци плаќам дома за интернет (WADSL) а всушност користам ADSL во интернет кафево, кое исто така го плаќам.

Edit II, 13 Јуни 2007, скоро 15:00 часот:
Анета е здрава и жива, ве поздрави а Тоше ве сака сите :)))
И проблемот е здрав и жив, барем до понеделник според нејзините зборови.
Да сме здрави и живи и ние па ќе видиме.
Толку засега, добрите коментари откако ќе ја добијам услугата за која ми стигна фактура завчера :)

CableTel купи 13 кабелски оператори

2007-05-07T23:36:00.000+02:00

Бугарско-американската компанија CableTel плати 20 милиони евра за преземање на 13-те кабелски оператори во Македонија, а ќе вложи уште 20 милиони евра за развој на кабелската мрежа и купување нова опрема со која ќе се понудат нови услуги на пазарот, како што е Triple Play, Video on demand и фиксна телефонија, дознава Тотал од поранешните сопственици на македонските кабелски оператори.

Според договорот со CableTel, Кокотов и сопственикот на Зора и на Зора Кабел, Стојан Ѓоргоски, ќе бидат дел од менаџерскиот тим кој во Македонија ќе раководи со 13-те оператори. Инаку, CableTel на крајот на април веќе имаше уплатено 10% од вкупната сума за аквизиција на операторите: Зора, Зора кабел, Кабелскоп, Максат и Наумовски, Кабелсат, Галакси, сите од Скопје, Кабелфокс од Кочани, Астра99 и Старкс од Куманово, Кадис 2002 од Штип, Спринт и Мултиком од Велес и Сат Медиа од Тетово.

Извор: Нова Македонија

Според мене: никаква зделка. Го разгледав сајтот на CableTel и не ме импресионираше брзината на интернетот/цената на истиот.

Вие што мислите?

1997 година

2007-04-30T23:36:00.000+02:00

30 минути пред 24:00. За 30 минути но.нет ќе ми вратат 10 гигабајти трансфер на мојата сметка, без разлика што уште не сум ги потрошил старите. Животот ќе ми добие смисла, имам 10 гигабајти за трошење. Како да ги потрошам на dial-up конекција? Се чувствувам 10 години помлад кога гледам дека имам 30 Kbps download. Уште ми фали пиштење на модемот за да се комплетира сликата и да поверувам дека одиме 10 години назад наместо 5 напред.
Факен dial-up.

Патем, среќен 1ви Мај!

Поезија

2007-04-12T16:32:00.000+02:00

Знам дека блогов не е за поетски души, но денес, поради сонцево и убавово време сум расположен за да пишувам поезија. Напишав една и честа први да ја прочитате ја имате вие верни посетители на блогов.

Мојот WADSL

Pinging google.com [64.233.167.99] with 32 bytes of data:
Reply from 64.233.167.99: bytes=32 time=209ms TTL=241
Request timed out.
Request timed out.
Request timed out.
Reply from 64.233.167.99: bytes=32 time=211ms TTL=241
Reply from 64.233.167.99: bytes=32 time=220ms TTL=241
Request timed out.
Request timed out.
Request timed out.
Request timed out.
Request timed out.
Request timed out.
Request timed out.
Request timed out.

Има уште многу, ама јас сум поет кој не сака да им здосади на своите читатели (вклучувајќи ги и оние кои редовно ме читаат од виртуелната приватна мрежа на но.нет, или работат за пепи) затоа ќе завршам овде.

Оставам на вас да размислите како оди понатаму поезијава :)))

(Си направив копија пред да го објавам постов, ништо чудно веќе да сум дисконектиран)

Killing me softly... by No.net

2007-04-10T21:07:00.000+02:00

Во време кога нивните конкуренти и во исто време побратими воведуваат нови пакети, поголеми брзини и поголеми лимити (грдо звучи зборов, знам, ама тоа е нашата црна реалност) но.нет не сакаше да остане со покуси ракави.
Ни дадоа нешто ново.
Не зборам за брзина (мноооогу ретко 512 Kbps download да достигнеш, најчесто е околу 400 Kbps, а не многу ретко и под тоа) или лимит (низ сајбер просторов прочитав неколку жалби дури за КРАДЕЊЕ од лимитот) туку читајте ме внимателно: ни ги ограничуваат сесиите!
Да драги мои, се работи на воведување на новото правило: Едно корисничко име - една сесија. Само да напоменам дека не сум запознат некое ISP досега да ограничувало PPPoE сесии.
Е сега, неофицијално нивното образложение за овој чекор е: пример имаш 2 компјутери. На двата правиш посебна PPPoE конекција со истото корисничко име. СЕКОЈ од нив тегне со брзина од 512 Kbps.
Но не ги оправдувам. Тоа пред се` се има случено поради нивно незнаење. Не сум јас крив поради тоа што тие не можат да ограничат брзина на канопи па прават вакви глупави потези. Најмалку што смеат е да ме иритираат мене (или било кој друг клиент), изигруваат(се` почна со мојот расипан "свич") и третираат како мали зелени идиотчиња, бидејќи јас не сум крив за нивното незнаење.

ВРАТЕТЕ МИ ГИ ПАРИТЕ!

2007-04-05T21:32:00.000+02:00

Од вчера (15:00 часот) две PPPOE конекции не можеш да имаш со ист јузер, на два компјутера. Имам машина со Windows XP и една со Fedora Core, па најлесен начин да ги поврзам и двете на интернет ми беше преку Switch со 2 посебни PPPOE конекции.
Но, од вчера втората конекција се дисконектира на секои 10 секунди (дефект со базната или ново правило на компанијата која на секој можен начин им одмага на своите корисници, сеуште е енигма). Ги начекав доцна синоќа од нивната онлајн поддршка и ги прашав што е работата, ми рекоа дека е дефект со базната кој за 1 саат ќе биде среден. Бидејќи изминаа 24 саата и уште истиот проблем го имам, решив да потрошам 100 денари од мојот мобилен за се јавам на нивната техничка поддршка. И така имав две прашања, значи имав 2 причини да се јавам.
Девојчето крена слушалка, добро вечер, ово-оно, повелете.

Прво прашање: Зошто од вчера од 15:00 часот не можам да ги поврзам двата компјутера на интернет преку две PPPOE конекции кога до вчера без никаков проблем го можев тоа?

Нејзин одговор: кажете ми јузер (и кажувам)... Па не знам, оставете ми ваш број (и оставам) и ќе ви се јави некој од колегите што знае.

Второ прашање: Зошто латенцијата денес ми е толку висока (~380ms према google.com)?

Нејзин одговор: Не знам ни тоа, но колегата што ќе ви се јави можете да го прашате и двете прашања.

Го завршив разговорот. Проверив сметка, 85 денари отидоа јабана. Бидејќи Но.Нет немаат одговор на моите прашања кои директно тие би требало да ми ги одговорат, најмалку што можат да направат е да ми пуштат утре 100 денари на сметка. Бројот го имаат, нека го искористат барем за нешто. Знам дека и така нема да ми се јават.

ОФИЦИЈАЛНО: Но.нет имаат проблеми со базните станици ИЛИ веќе ставиле ограничување. Сеуште не се знае сигурно дали тоа е нивната долгоочекувана новина (суплајс што би рекол трендо) или пак дефект. Фала на техничката поддршка која за крив стап не ја бива и ме натера да ги проверам компјутерите против вируси (вклучувајќи ја и федората, хехе) и што ме убеди дека мојот свич не чинел па шетав низ село проверувајќи го. Без разлика што кутриот упорно покажуваше одлични резултати. Фала ви на сите.

П.С. Пепи, жити машкоста тркни до најблискиот продажен салон на космофон и пушти ми 100 денари кредит. Ми дужиш пеер, со вработениве твои само должник ми испаѓаш.

2Fast, 2Little: зголемена АДСЛ брзина

2007-04-02T23:07:00.000+02:00

6 месеци по последното зголемување на АДСЛ брзините, излезе продолжението. За среќа оригиналот беше безврска, па не ме разочара вториот дел.

Max4GB ADSL оди од 1024/256 на 1536/256 Kb/s. Брзината не е загарантирана. Лимитот останува на легендарните 4 гига, а и цените се исти - 1500 денари месечно со купен модем, 2100 со изнајмен модем.

За ептен, ептен хардкор пирати излезе MaxADSLPlus. „Штосот“ со плусот оди вака: Max4GB Plus 6GB = 10 гига. Т.е. Max! 10! GB! Нешто е побрзо (до 2048 KB/s). Минусот е цената од 2100 денари со свој модем, т.е. 2500 со изнајмен.

„MAX“РЕЗИМЕ
Солено, пресолено. Постојните корисници имаат законски основ за раскинување на договорите поради нивна еднострана измена.

„HIT“ ADSL
Почетниот пакет поевтини и сега е 700 денари месечно со ДДВ. Никако да го заокружат на 10 евра :)

БИЗНИС ПАКЕТИ
Зголемени се брзините и кај Мини офис, Офис, и „Профи“ пакетот.

ДДВ-ТО Е ОПЦИОНАЛНО!
Малку срамеживо, ама цените, кои досега ги прикажуваа без ДДВ, почнале да ги даваат и со ДДВ. Па сеа ти види - ќе платиш данок или не. Луѓе сме, ќе се договориме.

ДОПЛАТА ЗА СООБРАЌАЈ: ПОСИТНО, ПОЕВТИНО
Да не пукнам, единица мерка повеќе не им е пола гигабајт. Доплатата за задржување на брзината по надминување на вклучениот сообраќај почнаа да ја мерат по започнат мегабајт кај сите пакети, а не само кај „Хит“. Кај почетните пакети („Хит“ и Микро офис) е 0,66 денари, а кај другите е 0,3 денари по мегабајт. Поевтино да, евтино не!

Следното продолжение - летоска. Можеби.

Камо 2 минути поддршка?

2007-03-09T23:49:00.000+01:00

И вечерва како и секогаш имам проблеми со WADSL-от. Бидејќи ги немам давено одамна, мислев дека имам заслужено 2 минути посветување. Се дисконектираше и саат време не сакаше да се конектира. Отидов до интернет кафето бидејќи од интернет провајдер очекувам онлајн поддршка. Од телекомот, телефонска... знаете натаму како оди.

После 30 минути игнорирање и откако дома компјутерот најпосле ми се конектираше на интернет, ми одговорија на онлајн прашањето со одговор "имавме проблеми ама немаме повише".

Од техничката поддршка очекувам да биде тука во моменти кога имам проблеми, а не откако ќе ги решат.

Без наслов но со повод

2007-02-05T21:10:00.000+01:00

Вечерва не сум расположен да го тупам на велико и широко, ама морав да реплицирам на еден текст објавен во денешниот број на ВРЕМЕ, преполн иронија, лаги и невистини. Испрашуван е нашиот омилен, сакан и љубен (аплауз молам) ПЕПИ (зошто сликата се вика управен одбор, да не е пепи и во управен одбор на Време?) од онаа фирмана што продаваат WADSL без интернет односно муда за бубрези. Ова го правам за да му докажам на ПЕПИ дека сите лаги и измами не може да ги продаде. Барем не секогаш и секому.

Моето расчистување со нив е во овој однос: Он.нет не му конкурира на МТ-Нет или на МТ воопшто. Тие (и двете фирми) го држат македонското општество во тотален информативен мрак продавајќи високо-неквалитетен интернет за луди цени со ептен крејзи брзини (спорини?). Повеќе ми изгледаат како партнери кои на сосема различен начин продаваат интернет до крајните корисници, унапред договорени за цената под која ќе го продаваат истиот.

Овој пасус начисто ме изнервира:
" Со лансирањето на Wadsl услугата од страна на „Он.нет“ првпат на македонскиот пазар беше понуден широкопојасен (броадбанд) Интернет со голем капацитет (10 гига) по цени пониски од европските и достапен низ целата држава. "

Кој голем капацитет бе пепи? 10 гигабајти е голем капацитет за тебе? Знаеш дека во мојата и твојата европа нема ограничување на месечен лимит? Знаеш дека 512 Kbps download таму е само спомен а праксата е со брзини од 4 Mbps па уџум нагоре до 1 Gbps. Знаеш дека таму, во мојата и твоја европа, скоро во секој дом има конекции со download од 24 Mbps нормално без ограничување во месечен лимит, за истата или слична цена по која ти ми го продаваш (ама не ми го даваш) WADSL-ов? Знаеш дека таму има техничка поддршка во вистинска смисла на зборот, знаеш дека ТАМУ не е можно 4 месеци да имаш проблеми со интернетот? Таму истата вечер доаѓаат и го средуваат дека се работи за човеково право кое ни пепи ни атила не можат да ми го одземат! Знам дека знаеш, голем ми изгледаш. Само не знам до кога ќе не сметаш за ментално пореметени. Јас знам дека сум овца штом потпишав со тебе договор на 2 години, ама не сум коњ бе.

WADSL ја губи битката и со латенцијата?

2007-01-23T22:36:00.000+01:00

Една од најдобрите карактеристики на он.нет-овиот WADSL, освен цената, брзината и месечниот лимит, беше латенцијата. Како 5 месечен корисник на WADSL, со 5 редовно платени фактури, би сакал со вас да го споделам моето искуство со WADSL.

Цена: цената си е таа, 1286 денари месечно (ДДВ е вклучен). За некого е малку, за некого таман, додека за некој трет е многу. Секој со својата мака/среќа. Нема ништо спорно овде бидејќи кога го потпишав договорот знаев колку ќе треба месечно да одвојувам за фактурата за интернет пристап.

Брзина: Брзината е многу спорна. Иако според договорот он.нет се обврзани на брзина за download од 512 Kbps, јас 2 месеци имав брзина на download од 100 (најчесто) или 300 (многу ретко) Kbps. 1 месец сите ги имаа овие проблеми што се поврзани на WADSL додека пак наредниот месец само некои корисници поврзани на базната станица кај Нерези. На он.нет им требаше цел 1 месец за да го увидат проблемот и само 1-2 дена да го санираат. Лош систем за мониторинг, иако тврдат дека го имаат најсовремениот и единствен во Македонија. Или можеби мониторите (лицата задолжени да ги интерпретираат резултатите на мониторинг системот) не ги бива. Во секој случај мене не ме интересираат детаљите како краен корисник. 1 цел месец за воопшто да не забележат дека имаат проблеми со одредена базна станица. Исто така, многу често паѓа конекцијата така да оние 98% гаранција дека ќе имам квалитетен интернет ниту еден месец не се одржаа.

Лимит на месечен трансфер: 10 гигабајти иако изгледаат како доволно или многу, земајќи ја во предвид точката 2, тешко дека ќе ги искористиш некогаш. Претпоставувам ова им е маркетинг трик. Дај им нешто што вистински не може да се искористи.

Латенција: Стигнавме до мојот омилен дел бидејќи кога се мислев да ставам WADSL, на порталот на он.нет прочитав еден текст од некој вработен во он.нет демек нивната латенција била невидена работа, ептен добра. Досега сите проблеми ги сваќав како привремени и повеќе се концентрирав на онлајн игрите (кои директно зависат од латенцијата), барем додека не се поправи целосно конекцијата еднаш и засекогаш. Но повеќе ни таа не е како што треба. Имам латенција од 200 милисекунди (просек) кон secure.on.net.mk и 450 милисекунди (просек) кон google.com. Тоа е КАТАСТРОФАЛНА латенција.

Разно: Канопито цркнува, прекинува да работи. Можеби ви било кажувано поинаку, но ова е вистина. Моето почина (нека почива во мир) пред 2 месеца, додека пак на двајца мои соседи им починаа денес. Најмалку 3 дена им се потребни да дојдат да ви го заменат со друго.

Заклучок: Он.нет-овиот WADSL е многу нестабилен интернет (баталете WADSL без интернет, подобро земете бесна кола без гориво, така колата барем ќе ја имате), никаква техничка поддршка, пристојна цена и месечен лимит во пакет со висока латенција. Прашање до он.нет: интернетот не е вклучен во цената?

Напишано на 5 Јануари 2007.

КТВ Зора - да ти се стемни

2007-01-23T21:38:00.000+01:00

Пред Нова година се крена прашина околу новите пакети на КТВ Зора. Најскапиот пакет од 40 евра го рекламираа дека е со неограничен интернет. Еве како си поминал еден супер дечко:

На моето прашање која е загарантираната брзина, Драган Главниот (Админ) за интернет во КТВ Зора ми рече дека е таа таму што пишува (а таму пишува само 512/128 Kbps). На флаерот (кој беше уствари флајер за пакетите за ВОИП) пишуваше на еден од пакетите НЕОГРАНИЧЕН ТРАНСФЕР, Драган зема и го прешкрта и рече: 7ГБ, па потоа паѓаш на 33,600 Kbps. Да се научиш како беше пред 1999 :)

И најбитното прашање (за кое се вратив специјално да прашам) е може ли да го видам договорот како изгледа. Драган рече:”....Не може, кај газдата ми е.....” :)

Што да речам... Се надевам дека во меѓувреме Драган си го земал од кај газдата.

Плима

2007-01-23T21:22:00.000+01:00

3 дена... недела дена...две...три. Рекордот мислам дека е месец и пол. Доколку блогов не испаднеше тесно специјализиран, можеби немаше да има толкави прекини во р-Еволуција.

Колку и да ми се неопходни периоди на отсуство од тука, секогаш ми носат некое чувство на вина - како да не сум направил нешто што требало.

Го поканив Принц, дечко со љута тастатура и автор на ново лого за еден наш провајдер, да ги покрие моите осеки со своите плими. Со своите текстови тука треба да се погрижи да не се осеќаат запоставени душичките од nonet.

Платен dial-up

2006-12-31T13:28:00.000+01:00

Брејкинг њуз овие денови е бесплатниот dial-up од вчера па до крајот на 2-ри јануари на бесплатниот телефон 055-200-200, со username: vladanarm и password: ostvaruvame.

„Интернетот“ Владата го купи од оннет. Изборот на „најдобар понудувач“ е направен како набавка од мал обем, што значи дека новогодишниот поклон не вреди ни 3000 евра. Овие буџетски пари ќе ги земе оннет, и после дел ќе ги префрли на МТ - како надомест за телефон. Братска делба, нема што :)

Со мала математика и со најниските цени за големопродажен dial-up со телeфонски трошок, испаѓа дека интернетов ќе може да го користат илјада луѓе дневно, по саат време. Со други зборови, ќе биде мнооогу кнап. Што знам, ваљда рачунаат дека од прежурканост, прејаденост и мамурлак најголем дел од луѓето ќе заборават да се конектираат.

Пошто домашниот есап ретко испаѓа точен на пазар, ми доаѓа едно прашање. Ако не успееш да се поврзеш, на кого ќе се јавиш за „техничка поддршка“? На МТ?

probav so username-ot sto go dadoa, no ne uspeav. se javiv vo mtnet i mi rekoa deka toa bilo dogovor megu onnet i vladata.

Следен чекор? Да се јавиш на оннет? Или на Владата? Или да напишеш претставка до народен правобранител? Секоја чест за потегот, ама уште не излегле со дологорочно решение.

Мала дигресија

2006-12-25T23:17:00.000+01:00

The device is not ready.
The parameter is incorrect.

http://www.mt.com.mk/

Merry Christmas

BUG: АДСЛ во земјите на екс-ЈУ

2006-12-14T00:47:00.000+01:00

Kada s nekim prestanemo živjeti u zajednici...neka prokleta simbioza znatiželje i (ne)sportskog duha tjera nas da saznamo kako im je danas i koliko smo bolji od njih. Istražili smo stoga kako u usporedbi s državama bivše SFRJ stojimo u jednoj od najprestižnijih natjecateljskih disciplina – cijenama ADSL-a

Od Vardara pa do Triglava

Кога би можеле да избираме држава од бившата СФРЈ во која би било најубаво да се живее кога најважна работа во животот би ни бил квалитетот, можноста за избор и цената за пристап на интернет преку АДСЛ - без никакво двоумење би се одлучиле за Словенија. Веднаш зад неа би дошла Хрватска, а зад неа Србија, додека Црна Гора, Босна и Херцеговина и Македонија би пробале да ги избегнеме по секоја цена.

СЛОВЕНИЈА - ВИСТИНСКА ЕВРОПА

8 АДСЛ провајдери задоволуваат 200 000 среќни корисници:

Единствен начин на наплата на остварениот сообраќај преку АДСЛ, кој го познаваат Словенците, е флет рејт... Интересно е дека скоро сите про- вајдери заедно со АДСЛ-от истовремено нудат и можност за кабелски приклучок, понекогаш и во соработка со кабелските оператори.

Скоро сите понудувачи на АДСЛ им нудат на своите корисници и ВоИП телефонија, по значително пониски цени од вообичаените за фиксната те- лефонија. Во Словенија веќе постојат и 3 И С П-а кои нудат IPTV. Еден од нив, Т-2, има сопствена инфраструктура и:

... веќе година дена буквално го бомбардира словенечкиот пазар на бродбенд со „дампинг“ цени и широк спектар на брзини на АДСЛ прик- лучоци... дури и до 40 мегабити во даунлинк.

Се работи за VDSL...За 940 денари месечно се добива брзина од 1024/256 Kb/s, а за 2010 денари брзина од 10/1 Mb/s. Развиваат и FTTH мрежа (оптика до краен корисник) со максимална брзина од 1/1 гигабит.

Телеком на Словенија, сопственик на no.net, намерно бавно ги реализира ба- рањата на другите ИСП за разврзан пристап кон локалната јамка.

ХРВАТСКА - МОЖЕ МНОГУ ПОДОБРО

Повторно 200 000 корисници. Шест фирми нудат АДСЛ, главно преку из- најмување на телефонските парици од T-HT, по цена која е незначително пониска од онаа на T-Com. T-Com нуди и IPTV, вклучително и 200 филмови по нарачка.

Според Bug, вистински конкуренти на T-Com, што ќе донесат пониски цени на пазарот, можат да бидат само оние кои ќе развијат своја мрежа. Такви ги има само два: Оптима телеком (мрежа само во одделни делови на Осјек) и Х-1 (во ЕДНА (!) зграда во Сплит :D) Од алтернативите:

Vipnet е единствен во Хрватска кој колку-толку успешно делува во овој правец, нудејќи пристап на интернет преку UMTS и HSDPA, како и преку Homebox-от на Водафон.... Вреди да се спомнат Vodatel... кој нуди непрактичен сателитски пристап и скоро нигде достапен triple play (телефон+нет+ТВ), операторите на кабелска ТВ чија што достапност е нешто поголема, но услугата често поспора од АДСЛ...како и малите ИСП-а кои делуваат локално преку WiMAX или Wi-Fi мрежи.

Многумина се надеваат на Метронет, фирма која ја изгради најголемата телекомуникациска мрежа независна од инфраструктурата на Т-HТ и со радост го чекаат денот кога и тој провајдер ќе ги понуди своите услуги на резиденцијалните, а не само на деловните корисници....

СРБИЈА - СОЛИДЕН НАПРЕДОК

Две години од воведувањето, веќе има 130 000 корисници на АДСЛ. Осум фирми нудат АДСЛ преку закупена инфраструктура од државниот Телеком, кој само пред два месеца почна да им конкурира и со сопствена малопродажна понуда на АДСЛ. До сега се концентрираше на осовременување на инфраструктурата.

Како и во Словенија, ваквата стратегија даде одлични резултати во развојот на бродбенд пристапот. Брзините не се многу високи, но цените се ниски. Нај- евтиниот почетен пакет од 256/64 Kb/s e 680 денари. Со 1140 денари месечно се добива флет со иста брзина.

БОСНА - СПОР РАЗВОЈ

Во секој ентитет на Босна постои посебен провајдер што нуди АДСЛ. Отсуството на меѓусебна конкуренција и различната регулатива што важи во секој ентитет резултира со само 6 500 корисници и високи цени - сепак пониски одошто во МК. Најтазе - 2 месеца - и најевтин АДСЛ има Телеком Српске, а покрај него и BH Telekom нуди флет пакети, иако по мнооогу посолени цени.

ЦРНА ГОРА - ДРУГА ВСЕЛЕНА

Тазе ребрендиран и инкриминиран, црногорскиот T-Com е единствен кој нуди АДСЛ. Во име на Германците, 5 000 корисници ги дере Magyar Telekom според мотото: Štitim bogate, a otimam sirotinji! На тоа би се свел коментарот за црногорската понуда:

Ете, гледате дека Дојче Телеком кон нас Хрватите е, всушност, милостив! Како Суперхик од култниот стрип, ми се чини, на колку посиромашен клиент ќе наиде, толку повеќе ќе му земе, па да не се изненадиме ако ДТ најави скорешно отворање на филијала и во Сиера Леоне.

Високите цени во Црна Гора пробуваат да ги оправдаат со големиот број на земји низ кои поминуваат линковите, а на кои мора да им се плати услуга за изнајмување на пропусност, како и големите инвестиции кои обезбедуваат висок квалитет и покриеност (78% од претплатниците можат да добијат АДСЛ). Омразен поради изгор цените и сумњивите трансакции, Т-Com реши да обезбеди бесплатен АДСЛ за сите средни и основни школи, за период од 5 години. Грижа на совест или страв од нов проект УСАИД connects?

МАКЕДОНИЈА - ОТСУСТВО НА КОНКУРЕНЦИЈА

Македонија е слична на Црна Гора по тоа што АДСЛ нуди само една фирма, по луди цени и без флет пакет.

Во областа на телекомуникациите, Македонците стојат најлошо во делот на пристапот на интернет преку АДСЛ, а причината за тоа е што го нуди само една фирма. Законот во МК овозможува секој ИСП да понуди АДСЛ услуга, но... понудената провизија што од Македонски телекомуникации би ја добила секоја фирма која би ја нудела таа услуга е толку ниска што давањето на АДСЛ услуга ЕДНОСТАВНО на никого не му се исплатува.

Македонскиот Телеком...прв пат понуди АДСЛ на своите корисници пред три години и до сега привлече само околу 20 000 корисници. Причината за тоа се високите цени...

Благодарност до maelstrоm што пак ме спои со BUG. Сите цени се со ДДВ - закон си е закон :)

Атила е следен?

2006-12-13T21:30:00.000+01:00

Едвај десетина дена откако на главниот на Дојче телеком му удрија клоца, сега „поднел оставка“ и главниот на Маџар Телеком. Дaли ова значи дека и на Атила му дошол крај? Не дека новиот шупак што ќе дојде ќе направи нешто за Интернетот во Македонија. Изгледа Атила и Рубинчо ќе си одат во пакет ЕДНОСТАВНО ЗАЕДНО. (by anоnymous)

Цацко во улога на бизнисмен би рекол:

Непријавување на сите приходи и пумпање на трошоците е проверен рецепт за да платиш помалку данок на државата.

Е сега, кога ќе почнеш да лажеш - што ќе застануваш? У право си Цацко. Следни од кои треба да се забошоти некоја паричка се акционерите. Убав бизнис се телекомуникациите. Неограничени можности! Акционерите сигурно нема да те пријават на полиција - ќе кажеш колку данок се затаило. И да те открие некоја будала - што те боли кога си истурал шаком и капом и лево и десно. А богами и во центарот.

Малку подалеку... Елек Штрауб си отиде од челното место во Magyar Telekom со разгледувањето на нефиналните финасиски извештаи за 2005 година. Им- плицитно, на душа му се ставаат два договора вредни над 4 милиони евра, „склучени надвор од процедура и за кои не е добиена соодветна про- тиввредност“. Увиено до бесвест. Експлицитно, колегите не смеат ништо лошо да кажат против него. Фино лепо човекот ќе си се пeнзионира и ќе го троши „сработеното“. Business as usual.

Малку поблиску... Нешто побучни беа во разрешувањето на црно- горско-унгарскиот управен одбор на Телеком на Црна Гора, одговорен за двата спомнати договори (иако вкупно се дури 4 со вредност од 7,5 милиони евра) и неговото заменување со скоро целосно германска постава. Беа отпуштени и неколку фаци таму, кои „иницирале уништување податоци за да ја попречат истрагата“. Стока балканска. Елек сигурно срце го заболело кога чул што гадости му се правеле зад грб.

Ептен далеку... Пред еден месец отиде и славниот Каи Уве Рицке од челното место во Дојче Телеком, што на времето го држел татко му. 6% пад на приходот од бродбенд и фиксна телефонија е лош резултат за акционерите - гермаската влада и американската Blackstone Group. Уште полошо од тоа што му избувнал пожар дома, е што не знаел што се случува во Magyar Telekom, Телеком на Црна Гора...и на други забаталени, но високопрофитабилни места. Татко му не стигнал да му ги каже сите финти. И тој, кутриот, ќе си го троши „сработеното“.

Он д фејс оф д плејс... Скапи договори за мистериозни консултантски услуги? Хмм, имавме ние такво нешто? Интересно, во нашиот случај се крена само локална прашина.

Поддршка за ОМО Илинден - Пирин

2006-12-13T21:14:00.000+01:00

Ова го добив на мејл. Датата е од пред 6 дена... Малку каснам, не?

За демократска Европа

Драги сограѓани,
Ве замолуваме да издвоите две минути за да им дадете поддршка на Македонците од ОМО Илинден – Пирин за да се спречат притисоците врз нив и да им се овозможи регистрација на ОМО Илинден – Пирин како демократска партија. Кликнете овде, изберете адреса на некој од пред- ложените заменици на европските парламентарци и испратете свој текст на протест против однесувањето на бугарската држава кон македон- ското малцинство и партијата на Македонците или изберете еден од предложените текстови овде.

Предложените текстови не се целосно во „духот“ на англискиот јазик... ама тоа дава можности да ја покажете вашата креативност. Ајде, знам дека овде има расположени за масовно мејлирање :)

Јадете си бурек со кајгана...

2006-12-03T11:42:00.000+01:00

Додека конкурентите работат. Почна во ноември, сега еве и официјално: брзините кај Телекабел се дуплирани. ДО 1024/256, што по неколку гига се намалува на брзина ДО 512/128, што подоцна се намалува на брзина ДО 256/128.

Вклучениот сообраќај во почетниот пакет од 500 денари е зголемен на 600 мегабајти, а „неограничениот“ пакет останува 1500 денари. Најбитно, дого- ворот може да се раскине во било кое време, без пенали. Засега не- надминато... Се разбира, по ова очекувам да станат MAXимално арогантни, да воведат намалување на брзината на 64 килобита, да се мандрачат со пенали за раскин, и да тргнат да ги решаваат „техничките проблеми“ по разни форуми и блогови :)

Кога сме кај форумите, unlike others, не се сељачат настрана, туку си имаат сопствен форум преку кој корисниците може да ги кажат проблемите, да ги опцујат, и да дадат некој предлог.

АДСЛ форумот на МТ го скинаа откако еден слаткоречив господин Ристевски успеа да прелаже многу луѓе дека они се саглам оператор. Форумот на nonet пак, уште од почетокот беше наменет само за лечење на комплексите на админите.

Непријателите меѓу нас

2006-12-03T10:44:00.000+01:00

Поздрав до сите редовни посетители, вработени во МТ и nonet... Уствари... абе немате нешто друга работа? Што знам... На пример, смислување подобри па- кети? Или евентуално решавање на технички проблеми?

Или за проблемите изворно се информирате по блогосферата? Ако е последново, тогаш, само напред! Ако не е... тогаш... баш го жалам тој што ве плаќа.

Него, кога сте веќе тука, еве два едноставни предлога за вашите колеги:

Кога некој корисник ќе се јави, или ќе ви пише, најкултурно би било прво да се претставите... И тоа не со надимак што ви го дала баба ви, туку со цело име и презиме. Пошто, тој што ви се јавува или ви пишува најве- ројатно не берел крушки со вас. А може и ќе треба да ве пофали пред шефовите ако брзо го решите...проблемот.
Дај воведете временско ограничување за одговарање/решавање на проб- лемите. Па ако некој пријави проблем, ќе му кажете: проблемот ќе биде решен за 24 часа (или некој друг разумен рок). Така луѓето помалку ќе збеснуваат, отколку ако ги убедите да потрошат неколку саати со ске- нирања за тројанци, или не дај боже, преинсталирање на оперативниот систем, за на крај пак да утврдат дека интернетот им е тапа. Ако не се реши во рокот кој сте го кажале, проблемот може да биде проследен до повисоки инстанци, а оној кој не го решил да добие негативни поени. Се разбира, ако вината е кај него/неа, а не кај премудрите шефови.

Ај сеа, трк на работа! Мењајте линкови, гледате дека ви се жалат претплат- ниците.

Сецнете ги „кратките сецки“ кај WADSL

2006-12-01T02:17:00.000+01:00

WADSL-от имаше фин старт, многу луѓе се навлекоа со двогодишен договор и... Звучи познато? Се јави купче проблеми. Посебно во Аеродром, Лисиче, Кисела Вода и кај сите кои се поврзани преку линкот на зградата на МТВ. Има редовен пад на брзините во шпицовите, паѓање на врската на секои 15 минути, сечење на p2p и други, многу некул работи.

Ако си имаш мака, никако немој да ќутиш! Договорот во рака... член 2, точка 1:

Давателот на услугата се обврзува:... Да обезбеди квалитетна врска во 98% од времето.

После, или на први во месецот, вртиш во оннет, магично се трансформираш во питон и не престануваш да ги давиш дур не ти кажат колку проценти од времето си имал достапност на услугата во последните 30 дена. Ако е помалку од 98%:

бараш намалување на претплата;
бараш префрлање на порастоварен линк - на пример, Водно или Музеј на современа уметност.

Првото најчесто го прифаќаат, ама фините линкови... Е тие си ги чуваат за свои деца (слично и Телекомците имаат неограничен АДСЛ за третина пониска цена од редовната), а луѓето ги муваат:

Има мали технички проблеми... За 2-3 дена ќе се среди... Еве баш дур збориме го менуваат линкот...

А во член 6, точка 2 од договорот фино си стои:

Корисникот на услугата може да го раскине договорот доколку: Давателот на услугата не е во состојба да обезбеди квалитетен интернет пристап во 98% од времето во календарскиот месец.

Значи треба да се тропне на маса и да се биде упорен: Или вие мене 98% достапност, или јас го раскинувам договорот и ви ја оставам опремата пред фирма. (Пожелни се закани за преоѓање кај Телекабел :)

Кога ти треба интернет...

2006-11-30T16:00:00.000+01:00

Courtesy of Princ of Кајгана, среќен корисник на WADSL.

Т-mobile: Едноставно притвор

2006-11-30T15:47:00.000+01:00

Рубинчо Заревски, втор извршен директор на Ти Мобајл, од вчера е во притвор. Наводно за пљачка на народот... Не преку Мобимак/Ти Мобајл, туку преку Фондот за здравство во времето кога таму беше директор.

После смената на владините ќутачи во бордот на директори на МТ и назначувањето нови (ќутачи?), и веста дека Телеком сепак ќе и даде на Владата (дивиденда де), ова отвора нови неограничени можности некој да си легне на брашното. Во само три чекори.

Имено, мобилниот брат на Телекомот важи за најбитниот златен рудник за луѓето на привремена работа во телекомуникациите. Останува да видиме дали некој друг политички определен граѓанин ќе биде кооптиран да ја заземе речиси испразнетата фотеља. Ако тоа се случи, ќе дочекаме ефективна либерализација... можеби веќе во 2010 година. Во меѓувреме ќе гледаме, нели, храбри битки со видливиот дел од сантите мраз колективно крстени корупција. Се надевам дека нема.

ДОПОЛНУВАЊЕ: Заревски го распрашале и пуштиле. Ме интересира дали после:

а) отишол на работа со такси;
б) отишол на работа со полициски Крајслер;
в) не отишол на работа и му закинале 10% од платата.

Ново од МТ - „Едноставно глупо“

2006-11-29T17:58:00.000+01:00

Р-еволуционерна понуда од МТ:

Прашуваа колку сме заинтересирани за услуга да си ја следиме телефонската сметка на интернет за 80+ддв месечна претплата. И реков, не, фала :). (анонимен)

Лани пред да го ограничат АДСЛ-от ми се јавија од МТ со слична анкета. Тогаш бевме во фини односи па ги удостоив со одговор:

- Што е најважно за вас кај АДСЛ-от?
- Паааа... Брзината?

Од ваква анкета е извлечен брилијантниот заклучок дека за АДСЛ корисниците е битна само брзината, а фиксната цена и неограничениот сообраќај се непотребен додаток. The rest is history.

Кога пред неколку месеци Министерот за финансии конечно се смилости да го уреди издавањето на дигитални сертификати очекував дека МТ веднаш ќе влезат во бизнисот со платформа за електронски плаќања. Чисто колку да не ги рекламираат интернет пакетите со „разменувајте рецепти“. Наместо тоа, со каснење од еден месец не станаа прв издавач на дигитални сертификати. И еве сега, како логичен чекор во развојот на понудата, бараат 100 денари за да гледаш како ти расте сметката. Таргет група: домаќини, гурмани и мазохисти.

таман и ја се возбудив пошто муабетот типката го почна со нешто у стилот “како интернет корисник сакам да ви поставам едно прашање“ и таман викам сеа ќе праша за мислење за флет пакет цена ова она колку би доплатил дали сум заинтересиран и сл. и она ми почиња некој бош муабет за телефонска сметка.

Видете... јас би сакал да нагласам еден момент... тоа е едноставно... навистина... глупо.

??? Kb/s

2006-11-16T23:34:00.000+01:00

„Тинке, катинке“ не ја бивало преку WADSL... Барем според една интересна „расправија“ на кајгана. Жалбите се дека пристапот кон он.нет е со задоволителна брзина, а кон странство од пред десетина дена брзината паѓа на 60-70% од 512 Kb/s. Како и кај АДСЛ-от, не се работи за загарантирана брзина, иако МТ ја рекламира како таква. Од он.нет дури биле и пофини од драгите им колеги од МТ, па на сајтот си напишале „брзина до 512“. Нема проблем?

Сепак има:

Зашто мислам дека и MT.net i On.net од пред 2 години го немаат зголемено конекциските линкови(или пак не го прикажуваат) а за тие 2 години бројот на корисници го зголемија неколку пати.

Ова значи дека расте агрегацијата, т.е. на една иста цевка приклучуваш нови и нови луѓе. Притисокот малку паѓа, ама шо те боле - профитот расте без дополнителен трошок. Со малку креативност може и да си направиш реклама. Ја дуплираш агрегацијата, а истовремено ја дуплираш и рекламираната брзината. Збирниот ефект е околу нулата, ама шо те боле - ти расте стадото.

Аф корс, ова сè е шпекулација. Шпекулација е, затоа што ниеден провајдер во Македонија не објавува со колкава агрегација работи. Што си купил, ќе дознаеш отпосле. АЕК има законска обврска да собира податоци од провајдерите за квалитетот на услугите, значи и за агрегацијата, и да ги објавува на сајтот. Ова, во теорија. Во пракса, мислам дека нема да има разлика ако АЕК утре се укине. Дали некој има информација за агрегацијата кај својот омилен провајдер?

Дополнување: Според tmr, во Аеродром и Лисиче има постојани прекини, кои оннет ги „лечи“ со елиминирање на p2p сообраќајот.

Е-општество 2.5

2006-11-16T23:25:00.000+01:00

Имав само саат време за да ѕирнам дел од денешните дискусии. „Амбасадорот“ на УНДП ги направи излишни нашите пребројувања на интернет корисниците кога поентираше дека клучна е потребата од достапни и евтини бродбенд врски. Ми текна како му се смееа на еден друг блогер кога кажа дека за интернет пристап признава само бродбенд врска.

Претходно, Марјан Ристески, главен инспектор за компјутерски криминал, објаснуваше дека провајдерите се обврзани да чуваат логови за интернет активностите на корисниците. „Сакате во ЕУ, тоа се правилата“, веројатно алудираше на обврската операторите во ЕУ да чуваат едно чудо податоци, наводно за антитерористички цели. Дефинитивно ја најдоа најпаметната работа од ЕУ.

После следеше исчудување како еден скопски провајдер одбил да им ги предаде податоците што ги барале со судски налог. Ме збуни затоа што Законот за електронски комуникации изричито забранува чување на податоци за комуникациите и налага нивно бришење или анонимизирање. Со судски налог може да започне следење на нечии комуникации, но не знам за закон што бара провајдерите по дифолт да чуваат логови.

Пробував да не влечам паралели со случајот на Гугл Vs. Департманот за правда, кога инспекторот сам рипна натака, па се пофали дека соработувале со американската тајна служба. Грејт. Не сконтав што мајка бараат Џејмс Бонд мандрачења и тајни служби во склоп на дебата за „е-трговија, компјутерски криминал и законска рамка за сигурност“. Спијте мирно, вашите пари ги чува ЦИА? ДИА? НСА? Што ли му беше поентата?

Уште кога ова ќе го поврзам со веста дека наводно пред изборите меверето прислушкувало 160 000 телефони, па им рикнал системот од преоптовареност... Само вие спијте мирно. Сè е под контрола.

Во овој контекст малку иронично ми прозвучеа завршните излагањa од странските мисии кои ставија претеран акцент на „прекрасните можности од новите технологии“. Ми дојде како да слушам sales pitch од трговец со скапа роба.

Е-општество 2.0

2006-11-15T21:53:00.000+01:00

Во организација на Метаморфозис... е-општество.мк... Втора клапа. Лани ова време, на истата конференцијата се прослави Јани Макрадули:

„во МК не е проблем да се купи компјутер“

„цените за интернет не се проблем, проблемот е немањето локални содржини“.

Оваа година, местото му го зема Миле Јанакиески, министер за транспорт и врски. Кажа дека владата ќе ја менувала состојбата во која „само 5% имаат редовен интернет пристап, а 60% никогаш не пристапиле на интернет“.

После продолжи шефицата на ОБСЕ во Скопје за „host of other things“, и за тоа дека и' кажале дека Македонија е првата безжична земја на светот. Дур гледав во земја еден дечко зад мене се кикотеше: „Шо збори оваа бе?“

Беше најавено дека и натаму ќе се турка создавањето на Минис- терство/Агенција за „информатички“ технологии и ќе се носи Закон за „информатичко“ општество. Волан е сведок дека лани ова време истите, ама баш истите работи ни ги кажуваше функционер од претходната влада. Единствена разлика е што сега улогата ја имаше човек од Министерството за финансии и беше помалку убедлив. „Од Министерот слушнав дека ќе се формира Министерство за ,информатички‘ технологии...“ „Министерот кажа 5%, има и бројка од 27%...“

За наводниците во претходниот пасус... Цело време македонските говорници го користеа изразот „информатичко“ општество. Информационо општество е она што се темели на информации. Што е „информатичко“ општество сè уште не успеав да дознаам. Oвој наш новоговор на англиски би го превел како informatics society. Мислам дека прв јавно за ова реагираше Сашко Насев во колумна за Утрински. Не за да ситничари за јазичната чистота, туку за да предвиди дека многу далеку ќе стигнеме во остварување на концептот кога челните луѓе ги утнуваат и основните поими.

:) Да не црнам... Супер излагања имаа Игор Стаматовски за слободниот софтвер и отворените стандарди и Александар Угриноски за сајтот за пријавување за државни работни места. Коментар има и на Комуникации.

Официјално - дуплирана АДСЛ брзина

2006-10-27T20:07:00.000+02:00

Хит me with the bill: 512/128 Kb/s
Старт hitting me harder и Макс 4! Макс GB!: 1024/256
Мини офис: 1280/512
Офис: 1536/512
Демек мегали офис: 2048/512

МАКСимално скапо: 13-190 евра месечно за договор на 2 години. МАКСимално ограничено: 0,5 до 25 гига месечен сообраќај.

Швајцарско ноже со wi-fi

2006-10-23T23:31:00.000+02:00

Малку е глупа веста... Од 2008 секој жител на Швајцарија ќе може да користи бродбенд... Гревчиња, ко да не користеле до сега. Акцентот е на зборот секој, без оглед дали живее во Женева или во некоја пустелија и по цени што за тамошен стандард се сметаат за „разумни“.

Цената ќе се одреди преку конкурс објавен од швајцарската АЕК, но нема да биде повисока од 2600 денари. За ова се добива минимум 600/100 kb/s интернет пристап, говорен канал и телефонски број.

Стандард за универзална услуга за интернет пристап во ЕУ е дај'л-ап. Пред некое време ги отфрлиja предлозите бродбендот да стане универзална услуга. Кога ќе видат што прават комшиите сигурно ќе го сменат мислењето.

Универзална услуга е бирократски израз за комуникациска услуга која денес е неопходна и која мора да биде достапна по прифатлива цена и квалитет за сите жители. Македонскиот закон за електронски комуникации не го вклучува интернет пристапот, брз или спор, во групата универзални услуги.

Како се Т-рошат Т-воите пари

2006-10-23T01:20:00.000+02:00

Светските финансиски текови имаат просто правило: тоа што ќе се ушиќари по светските вукојебини се сели на некои не-толку-егзотични места.

Неделава што помина, Т-Онлајн во Германија почна да нуди пакети со интернет пристап, VoIP, и телевизија (IPTV). Најевтиниот пакет, ако добро пресметав од раскупусениот ценовник, е 50 евра за флет 6000 Kb/s пристап. Цената само за флет интернет пристап (без претплатата за телефонот) е 35 евра. За 70 евра брзината е 25 Mb/s со 60 ТВ канали, а за 80 ојра се добиваат платени канали и два меча неделно од Бундес лигата. Со уште 10 евра се добива и флет фиксна телефонија (локална).

Има и други џиџи-миџи: снимање на хард диск од 80 гига, HDTV, одложено емитување...

Трипл плеј услугата оди преку DSL и VDSL линии, а во последниве Дојче Телеком наводно инвестираше скоро милијарда евра од крајот на 2005.

Малку подалеку, T-Mobile USA, откако исплука 4 милијарди долари за лиценци за мобилна телефонија, ќе вложи дополнителни 3 милијарди за изградба на 3G мрежа.

Походот на американско копно Германците го почнаа во 2001 по цена од 35 милијарди. Таму се најавуваат интересни работи откако покојната Ма Бел воскресна како Ма Сел.

Македонија, во сите овие инвестиции и планови, има улога на великодушен спонзор на нечии мега амбиции. Кој што дробел...

Атила за ајатолах

2006-10-23T01:01:00.000+02:00

Веќе пет дена сум наплашен. Откако се објави дека Иран ги ограничува интернет врските на 128 кб/с си мислам да се затвори блогов. За овие од Техеран викаат дека мачат луѓе, им сечат раце, прават нуклеарни бомби. Ама сега испаѓа дека ни Баба Рога не спушта под 128 кб/с. И ги викаат екстремисти. Не ги виделе нашите екстра-екстремисти и нивните 64 кб/с.

Iran's Islamic government has opened a new front in its drive to stifle domestic political dissent and combat the influence of western culture - by banning high-speed internet links.

In a blow to the country's estimated 5 million internet users, service providers have been told to restrict online speeds to 128 kilobytes a second. (The Guardian)

ITU: Дарфур во наше маало

2006-10-19T14:44:00.000+02:00

ianfl ме потсети дека одамна не сме се мавале со бројки...

Според Меѓународната унија за телекомуникации, Македонија со 7,9% корисници на интернет е на претпоследно место во Европа во 2005. Честа ни ја спаси Албанија, откако Молдавија одби да ни прави друштво. Србија има околу 19%, а Бугарија околу 21%.

Интересно е што МК со 22 компјутери на 100 жители е пред комшиите, па дури и пред Хрватска. Според ова, само третина од корисниците на компјутери користат и нет. Слабата PC пенетрација дефинитивно не е главна причина за малиот број корисници.

Уште малку тривијалности... Зимбабве, со кој се споредувавме лани, сега е пред нас. Но нема гајле, друштво ни прави Судан со 7,7%.

Измени на АДСЛ пакетите

2006-10-17T19:25:00.000+02:00

АДСЛ понудата се подели на „пакети“ со купување модем и пакети со изнајмување модем. Пониските цени кои се вртеа ќе важат само за нови корисници, а старите продолжуваат... по старо. Нема промени кај брзините.

Ептен макс (Макс АДСЛ Макс :) со купување модем и самоинсталација чини околу 1960 денари месечно (со ДДВ of course) за договор на две години.

Претплатата за истиот двогодишен пакет, но со модем даден на користење и инсталација од МТ е повисока за 150 денари. И до тука сè е логично. Разликата во претплатата може да се сфати како рентање на модем од МТ...додуше по солена цена.

Инвентивноста е во тоа што при рентање, покрај повисока претплата бараат и 2250 денари еднократен надомест за инсталација. Таков надомест не наплаќаат за купување модем, а истиот го продаваат за 2100 денари, но со самоинсталација.

Прашањето е колку реално чини инсталација на модем од „стручни лица од МТ“. Од око, би рекол едно 400 денари за потрошениот бензин, време и евентуално кабли. Со остатокот до 2250 денари им даваш модем на МТ, они ти викаат фала и после ти го рентаат за 150 денари од месец. Не примаш дивиденда затоа што си инвестирал во нив, ама неа и онака не ја делат.

Ако па место 2250 денари, платиш 2100 денари еднократно и сам го инсталираш модемот ти следи пониска претплата. Плус ќе го поседуваш модемот. Не стварно, има смисла!

Она за што нема логика е што еднократниот надомест за инсталирање изнајмен модем кај договор на неопределено време е повторно повисок - дури 3400. Ова е нерегуларно, да не речам незаконски, да не речам идиотски. Претплатата може да биде повисока поради отсуството на едно или двогодишна договорна обврска, но трошокот за инсталација мора да биде ист. Тоа што имаат две цени за една иста услуга (инсталација) укажува на ценовна дискриминација - што е забрането.

Поделба на понудата е направена и кај старт АДСЛ. Таму претплатите се 1030 и 1180 денари месечно за две години, а модемот, т.е. инсталацијата и рентањето чинат исто.

Уф, што да речам повеќе. Навали народе?

е-УСАИД - Македонија сурфа

2006-10-17T01:33:00.000+02:00

Промовирана како прва земја со безжичен интернет во светот, [во] Македонија... [некои од] граѓаните... немаат компјутери, други плаќаат скап интернет кој пак го нема во доволна покриеност низ земјата...

„Македонија сурфа“ треба да ги приближи компјутерската технологија и он-лајн услугите на е-Влада до сите делови на земјата и да ги поттикне Македонците да ги користат почесто. (Канал 5)

„Он.нет" ќе обезбеди бесплатна Интернет-конекција со цел за успешно одржување на серијалот настани „Македонија сурфа", организирани од страна на Проектот за е-Влада на УСАИД. (Утрински весник)

Патувачко шоу на Македонија сурфа од Скопје се сели и во Битола, Охрид, Штип, Струмица, Велес, Куманово, Кавадарци, Ресен и во Кочани. (Канал 5)

Досега најголем дел од активностите за градење информационо општество дојдоа од УСАИД. Владата продолжува да спие, да се занимава со декларативни е-заложби, и да сече ленти на туѓи проекти.

Премиерот Груевски кој денеска го означи почетокот на карванот за бесплатно сурфање низ земјата, вети дека оваа влада континуирано ќе вложува Македонија да влезе во глобалното село.

УСАИД има точно дефиниран интерес за да го прави сето ова, но сепак... Некогаш ми доаѓа прашањето што ќе ни е Влада, кога имаме донатори за да ни ги мислат проблемите.

Зависен текст 2

2006-10-17T01:03:00.000+02:00

После хистеријата околу независноста на АЕК, империјата во последниве три недели почна да го возвраќа ударот.

Претседателот на Сојузот на стопански комори, Венко Глигоров...обвинува...
Претседателката на Комисијата [за електронски комуникации] е и директорка на една дирекција во Стопанската комора, во која потпретседател е главниот извршен директор на „Македонски телекомуникации“, Атила Сендреи. Очигледно е чии интереси штити претседателката на Комисијата, бидејќи имаме најскапи телефонски и телекомуникациски услуги во регионот.
Тој ги повикува претседателката Софче ЈОВАНовска и дел од членовите на Комисијата да поднесат оставки или да бидат разрешени. (Вечер)

„Претседателката“ инаку е член и на КИТ-Независна. Дури и Канал 5, откако изгина во одбрана на „независните тела“, уфрли во рикверц:

Потенцијалните оператори во фиксната телефонија... немаат храброст и официјално да се пријават во агенцијата за електронски комуникации и да ја почнат процедурата. Високата цена за поврзување на мрежата на монополот ги одвраќа од намерата да му конкурираат. Главната кочница им е регулаторот за кој велат дека е пасивен во донесувањето одлука за да им создаде фер услови на пазарот.

Страшно ме бунат кога вака нагло мењаат уредувачка политика. Прво АЕК беше независен регулатор кој што не смее да се чачка, кога оп, ете ти го следната недела стана кочница за либерализација на телефонијата. Ај фати им го крајот. Ваљда и тоа може да се крсти како врамнотежено известување - неделава ќе „одработуваме“ за оваа група, следната за онаа, па после пак ќе им учиниме на првиве, итн. Или може па во меѓувреме откриле „нови моменти за случајот“?

После обвинувањата од новата Влада дека АЕК спречува доаѓање на трет мобилен оператор, контра PR кампања поведе џедајот Трпковски оф АЕК:

Агенцијата за електронски комуникации (АЕК) објави повик за доделување радиофреквенција во мобилната телефонија во „Фајненшл тајмс“ за да привлече светски мобилни оператори. (Дневник)

Звучи фино, ама тешко дека некој ќе инвестира во МК со вакви цени за интерконекција одобрени од АЕК-Независна. Ќе биде во загуба секогаш кога корисникот ќе сврти кон број на Телеком. Затоа и Космофон одбива да склучи нов договор за интерконекција со МТ. За да го добие првичниот интерконекциски договор мораше да чека една година. Покрај ова, уште едно искуство на Космофон треба да се вметне во огласот во Фајненшл тајмс.

GoM [Government of Macedonia], in a back-room deal in november 2001, offered OTE [Cosmofon] the right to build its own high-speed backbone network in violation of MT's exclusivity guaranteed by the Telecommunications Act of 1996... Stonebridge [MT] then enlisted the help of the U.S., German, and Hungarian ambassadors to convince the GoM to uphold MT's rights... The GoM returned to its original position in mid-june, 2002, and forced OTE to buy leased-line services from MT...Once the GoM apparently reversed its alleged back-room deal with OTE, MT began to behave like a true monopolist. It priced the leased-line services, which OTE was now obliged to buy from it, at almost four times the european standard. (повеќе)

Ова е од извештај кој го има на канадски и на амерички државен сајт наменет за бизнисмени. Има и други, исто не многу розеви. Немало заинтересирани за трет мобилен? Не знам како не се тепаат инвеститори при вака поволна „клима“.

Што ќе ви е интернет во сабота?!

2006-10-14T18:25:00.000+02:00

Почитувани корисници на АДСЛ, како што сигурно приметивте, имаше мал пад на мрежата сабајлето и добар дел од попладнево. За подетални информации свртете 0800 12345. Повикот е бесплатен.

Дежа ву - Алиса во земјата на илузионизмот

2006-10-14T18:17:00.000+02:00

Традицијата продолжува:

Комисијата за заштита на конкуренцијата одлучи да поднесе прекршочна пријава против Македонски телекомуникации бидејќи и покрај забраната, на сметките за телефонски разговори наплаќа надомест за манипулативни трошоци. (Дневник)

Дежа ву? Фасцинантно. Една иста вест се најавува како „вест“ по втор пат. Првата е од 23 август. Втората е од 7 октомври.

Очекувам негде околу Нова Година да го чуеме истото: Комисијата сепак реши да не ги казни МТ, туку ќе им поднесе пријава...еве, не денес, ама задутре, т.е. после празниците. Новиот шеф на Комисијата го оправда нејзиното ново име - Комисија за спречување на конкуренцијата.

Ретровизор

2006-10-14T18:15:00.000+02:00

Лани во октомври Бојан го напиша првиот текст на блогов. Уште е актуелен.

Genug ist genug.

Време е за промени, по ѓаволите. Толку работи отидоа во „3 лепе пизде материне“ што едноставно мора нешто да се смени за да може (барем) да се толерира живеењето во оваа држава. На страна потребата да се организира насилна револуција во која, враќајќи се на „варварските“ дејности во француската револуција, со гијотина на плоштад ќе се декапитализира државниот ни врв . . .

Поводот беше огласот објавен на 29 септември 2005 со кој МТ најавија уште еден грабеж, од кој подоцна се пишманија:

Ве известуваме дека АД Македонски телекомуникации почнувајќи од 01.11.2005 година, по надминувањето на остварениот месечен сообраќај, повеќе нема да ја намалува брзината на пристап на услугата, туку за корисниците што ќе го надминат вкупниот месечен сообраќај карактеристичен за определен АДСЛ пакет, услугата ќе се наплатува во износ од 175,00 денари + ДДВ за секои наредни 512МБ почнат сообраќај.

Сите наши деца

2006-09-22T21:23:00.000+02:00

Додека се замараме со битни теми од типот дали АЕК е независна или нејзиниот шеф, Коста Трпковски, е роднина на Црвенковски, некако незабележано помина веста за смената во уште еден блуден орган обвинет за непотизам и други видови коруптивни дејанија.

Станува збор за Комисијата за заштита на конкуренцијата, едно од оние независни тела кои постојат за да трошат туѓи пари дур создаваат привид дека нешто работат. Бившата Монополска управа на времето се прослави со решението со кое му забрани на Телеком да продава АДСЛ се додека не овозможи услугата да ја нудат по пазарни услови и другите провајдери. Забраната никогаш не се спроведе, а двајца вработени во Управата среќно се вдомија во семејството на Телеком.

„Шеф сале“ на „органот“ беше Панче Бардаров се додека не го смени новата Влада. И за него има анегдота дека имал син кој ептен го бивало па го вработил во Мобимак. Остана запамтен и по тоа што му пречеше Уставот и неефикасното судство за да се пресмета со „монополите“. За да му помогнат, лани во декември се смени Уставот и со амандманот 20 им се овозможи и на несудските државни органи да изрекуваат казни.

Место да почне одма да дели казни, на Панче тогаш му засмета Законот за прекршоци кој ги ограничувал казните на само 5 000 евра. Нели, срамота е да пише вака бедна казна за МТ. Така, во мај годинава го исправија и тоа - се донесе нов закон за прекршоци кој не поставува вакво ограничување. Панче веќе ништо не го спречување да казнува, па дојде и следниов наслов: Поради незаконската наплата на манипулативен трошок - Казна за Телеком до 17 милиони евра?!

Спротивно на насловот, во веста стоеше само дека Комисијата ќе „достави барање до надлежниот суд за поведување на прекршочна постапка против компанијата и одговорното лице“. Во превод: џабе се мења уставот и законот кога Панче е решен да не казнува и да се вади на неефикасното судство.

Сега на местото на Панче треба да седне Чедомир Краљевски - ептен стручен кадар, ем проверен во времето на Георгиевски и Далаверци. Дневник направи фројдовска грешка кога објави дека е стокмен за прв човек на Комисијата за СПРЕЧУВАЊЕ на конкуренцијата. Имам филинг дека ќе испаднат во право.

Продолжение: Дежа ву - Алиса во земјата на илузионизмот

Зависен текст

2006-09-16T00:41:00.000+02:00

Кога бевме само до појас заглибени во „реформи“, најмодерна работа беше да отвориш радио - по можност телевизија. На една од првите, ми текнува дека во одјавата на емисиите и филмовите гордо стоеше - независна телевизија. Многу брзо придавката мистериозно се изгуби, веројатно како доказ дека зависникот успешно ја минал првата фаза, т.н. фаза на порекнување.

Епизодава ми се вртеше последниве години кога зборов пак влезе во мода. Прво се залепи за судството, а после револуционерно се тргна со масовно прогласување независност. Старата максима се прилагоди: тие се преправаат дека се независни, а ние се преправаме дека им веруваме.

Претставата отиде дотаму што Јани излезе како првоборец за останувањето на Трпко-Независен во АЕК-Независна. После се јавија луѓе од Правниот факултет Јустинијан Први-Независен:

Експертите реагираат дека се прави упад и партизација во независните комисии. (Канал 5-Независен)

Експертите традиционално слабо поминаа, па напомош се викна и коњицата:

Брисел загрижен од обидите на новата влада за менување на законите со што ќе се направи упад во независните институции... Постои голема опасност примерот со Агенцијата за електронски комуникации да се примени и кај останатите државни независни тела, како Регулаторната комисија за енергетика и Комисијата за хартии од вредност. Доколку таквите тела се партизираат, тоа ќе биде голем чекор назад во демократијата и функционирањето на системот, толкуваат експертите. (Канал 5-Вистински Независен)

Не успеав да се сетам макар на еден пример кога овие „носители на системот и демократијата“ не делувале на далечинско управување. Вревата не е затоа што ќе падне Трпко, туку зошто со него ќе паднат и неколку подобни директори на привремена работа во Мобимак и Телеком. Кои, нормално, ќе бидат заменети со наши деца.

Порано, кога ќе поскапеше струјата или парното или кога ќе ни стигнеа грандиозни сметки за телефон и интернет ќе си ја испцуевме власта. И автоматски ќе ни беше полесно. Сега, човек не може ни вербално да се пресмета со некој политичар, без да се јави некој паметен за мудро да посочи на тоа и тоа независно тело. Сите групно пак, се тотално независни само од „јавниот интерес“.

Пружи... веш?

2006-09-13T19:29:00.000+02:00

Граѓанската акција "Пружи отпор-Кажи не!" најави... тужба против државава... пред Меѓународниот суд за човекови права во Стразбур... затоа што нејзините институции не презедоа ништо во изминатите две години за да го спречат криминалното дивеење на Телекомот.

..."Пружи отпор-Кажи не!" ќе упати писмо до Владата, Собранието, Уставниот и Врховниот суд, Јавниот обвинител и Јавниот правобранител во кое... ќе бара укинување на монополот на Телекомот и целосна либерализација на фиксната и мобилната телефонија и одземање на концесиите на Матав.

Граѓанската акција со писмото бара прогласување на директорот на Телеком Атила Сендреи за непожелна личност во Македонија во наредните 50 години, поведување постапка за обештетување на граѓаните, смена на јавниот обвинител и на судиите во Врховниот и Уставниот суд.

Екс’лн’т! Малку е чудно да се упати писмо во кое ќе бараш смена на адресатот, ама освен тоа - само напред. Е, да. Уште неколку ситници. Историски, секогаш било погубно кога Македонецот ќе почнел да бара петоколонаши, ама автоматски ми доаѓаат неколку прашања.

Зошто сега? Дали има врска меѓу смената на власта и воскликот еурека, проследен со изненадното сознание дека може да се тужи државата за кршење на законите и оштетување на граѓаните? Има и друга страна. Ако се јавеја пред изборите одма ќе им залепеа етикета ВМРО и ќе ги испратеа со УАААА. Мишн импосиб’л?

Од "Пружи отпор-Кажи не!" бараат и објавување и раскинување на договорот за продажба на ЕСМ дистрибуција со ЕВН... и укинување на Регулаторната комисија за енергетика...

Може грешам, ама не се сеќавам дека многу се заложија против продажбата на ЕСМ на времето. Нели, тогаш се бунеа Глас на светлината, Сојузот на стопанските комори, по некој пензионер - и толку. Дали и оваа промена може - што знам, некако - да е поврзана со промената на власта? Мразам вакви опсервации, баш поради тоа што убиваат и атомизираат било каква граѓанска инцијатива... ама ете.

Трпко лета, Јани се нервира, Атила го боли

2006-09-13T17:34:00.000+02:00

Овие два месеца дур се мењаше власта фалеа типчиња со кои изминативе години се журкавме до попиздување. Ги снема, се скрија во дупка. Таман се уплашив дека животот ќе ни стане досаден и празен без дневната доза гафови што великодушно ни ја обезбедуваа... Кога, ете го царот. Јани. Макрадули. Фраерот што го сокрши од развивање „информатичкото“ општество само за да го скрие зад него својот прогресивно растечки г’з.

Ќе го бранел Трпко. Тој па, е подеднакво забавна фаца. Хонорарно зема плата како директор на АЕК за да се жали дека му фали моќ за да го сардиса монополот. Трпи ли трпи човекот шетајќи по семинари и конференции. Бато Јани чул дека клетите ВМРО-овци ќе го мењаат неговото другарче и одма свикал прес.

Според него, власта изготвила законски измени на Законот за електронски комуникации, со вметнување одредба за можност за промена на Управниот одбор поради незадоволително работење. Управниот одбор пак го избира директорот, со што, како што вели Макрадули власта си отвора можност да постави свој кадар.

Хм, надежно, ќе добиеме уште еден кловн. „Забава до бесвест.“

Телекабел, фризиран WADSL... и то

2006-09-10T17:54:00.000+02:00

Правев муабет со едно другарче со масивни потреби за нет (АДСЛ-от со 4 гига не му стига ни за аплоуд) на кое договорот со МТ му истекува месецов. Се мислеше што после, а јас баш не знаев што да му речам. За МТ не сака да чуе после заебанцииве од последнава година и доплаќањето скоро три илјадарки за „селење“ на АДСЛ модем (последново е сложена техничка операција за која е неопходно ангажирање на најмалку два доктора од ЕТФ)

Факт е дека нема некој избор. Единствена пристојна понуда е Телекабел - 512 kb/s со ограничување на 256. За оние што живеат во место каде нема мрежа на ТК или неговите клонови, останува WADSL од ОнНет. Добра страна: подолго време се шушка дека од есенва ќе го зголемат сообраќајот на 20 гига. Лоша: 2 години се доооолг период за брак со МК провајдер.

maxADSL = максимално ДО 512 kb/s

2006-09-03T14:12:00.000+02:00

Имаше повеќе жалби за пад на брзината кај АДСЛ-от. Се случуваат вакви срања - со МТ доста често - ама или не се признават или се сведуваат под мистериозни „проблеми со мрежата“.

Настрана од последниве случки, неколку работи треба да се имаат на ум. Прво, брзините на АДСЛ-от не се загарантирани. Рекламираниот капацитет од 512 kb/s е поделен на повеќе души и во зависност од тоа колку од нив се онлајн во моментот варира брзината (иако на неа влијаат и други работи). Така, ако на капацитет од 512 kb/s се приклучат 16 корисници на АДСЛ и сите повлечат во исто време брзината за секој од нив теоретски би била 32 kb/s. Ваквото делење, т.е. агрегација, се прави затоа што најчесто само дел од корисниците се онлајн во исто време и со тоа им се овозможува да користат брзина која не би можеле да ја платат како загарантирана (изнајмените водови се бајаги солени во МК).

Второ, независно од агрегацијата, поради самата АДСЛ технологија и начинот на кој ја имаат применето МТ во најголем дел од времето може да се очекува брзината да биде ДО околу 85% (430) од теоретскиот максимум (512).

Поради овие две работи постои разлика меѓу теоретскиот максимум и брзината која се постигнува во пракса. Затоа повеќето АДСЛ провајдери (т.е. оние понормалните) се рекламираат со ДО, т.е. до 512, до 1 Mb/s, до 8 Mb/s итн. или користат фрази како „максимална брзина од 2 Mb/s“ и сл. Телеком и овде прави фушерај па рекламира брзина од 512 kb/s без да стави „до“ или да наведе дека тоа е само максимумот, па не ме чуди што многу луѓе очекуваат тоа да биде константна брзина. Прашањето е што со ова. Некако ми се чини дека ретко кој ќе отиде да се жали до МТ, уште помалку до АЕК, инспекција или суд. Едино останува надеж дека луѓето во иднина подобро ќе знаат со кого си имаат работа (мислам на МТ) и што може да очекуваат за своите пари.

Од Дивиот Запад: МТ против кабелските

2006-08-31T23:59:00.000+02:00

Телеком тргна да ги сече каблите кои 26 кабелски ТВ ги поставиле на нивните бандери. За да не ги сецне им бара кирија од евро и пол.

Сосема пазарно - плати па клати. Мала фалинка е што самиот Телеком не плаќа никому наемнина за земјата на која се поставени бандерите и низ која минуваат нивните кабли.

И тоа не е сè. Би било фино да им текне на некои од газдите на овие „дививе“ кабелски да прашаат дали МТ имаат извршено технички прием на бандерите согласно Законот за градење... и дали имаат одобрение за нивна употреба. Ако немаат (како што тврдат од АЕК) бандерите воопшто не смее да ги користи ни Телеком. Бидејќи ги користи се квалификува за „див“ фиксен оператор.

Оф топик: Ќе ми беше глупо после толку јадење бурек да не оставам запис за август во архивата, па малку интервенирав во датумот на постов.

MaxADSL Hit... or Мiss?

2006-07-14T09:35:00.000+02:00

Нова понуда од МТ... До 384/128 Kbps, 512 MB месечен сообраќај и цена од 825 денари со ДДВ за договор на две години (што за жал стана стандард).

Еден од предлозите изнесени од Интернет Македонија на средбата во МТ е попристапен старт АДСЛ и нов пакет за почетници. Последниов, крстен како „пакет за ученици и студенти“, треба да има три елементи: ниска и фиксна цена (до 10 евра со ДДВ), 24 часовна поврзаност и брзина на пристап која може да биде и мала. Логиката е дека има многу луѓе кои не би издвоиле повеќе од 10 евра за постојан интернет пристап кој го користат претежно за сурфање и проверка на мејл. На средбата се предложени брзини од 128 или дури и 64 Kbps, но со битен елемент: неограничен сообраќај. Нешто слично има Кадис со 590 денари за неограничен сообраќај од 128/128 Kbps, иако квалитетот е многу, многу варијабилен.

Во споредба со предложеното, MaksADSL Hit е нешто поскап, побрз и со лимит од легендарните пола гига. Додадените три евра во цената ги сфаќам како заштита на сурфер пакетот кој чини 700 денари со ДДВ. За жал, МТ се уште прават милиони евра продавајќи dial-up.

Она што ми се допаѓа е што доплатата после 512 MB се врши по мегабајт, а не во блокови од пола гига како кај старт АДСЛ. Цената е околу 0.9 денари (со ДДВ) за MB. Лошо: се бројат мегабајтите. Добро: се бројат на ситно. За споредба цената кај Телекабел за 1MB e 1 денар. Разбира се, кај нив за пола гига сообраќај би се платило 612 денари.

За оние што го читаат и текстот со малите букви (главно корисници на АДСЛ), уште една промена:

Претплатникот треба да ја купи потребната ADSL опрема (модем и сплитер) и да си ја инсталира. Опремата се продава во продажните салони на АД Македонски Телекомуникации по цена од 1.799 денари или на 12 рати по 160 денари.

Нема попуст за договор за една или две години. Од друга страна ова значи дека опремата конечно ќе биде во сопственост на корисникот, а не на МТ.

Демант од happy WADSL user

2006-07-14T09:26:00.000+02:00

Имаше многу контрадикторни информации за стабилноста и затворањето на портови кај WADSL. Еве детален демат од happy user... се надевам дека не е abuser:

Наместив ОНЕТ и го имам еден ден состојбата е ваква:
Има П2П пробав торрент и оди со 52-58 kb/s down и 11-14kb/s up.
UnrealTournament2004 demo 290mb се симна со просечна брзина од 60,5 kb/s.
Pingot во Unreal Tournament беше од 75 - 100. Најдов повеќе UT2004demo сервери со пинг под 100 на Онет отколку на МТнет отприлика 3:1 однос.
Нема каснење при отварање на страни како кај МТнет. На МТнет имам околу 1 sec при request на страна или пак нема да ја добијам, па мора refresh. Тоа го нема на Онет.
Има динамичка ИП адреса
При тежок download на пример торрент сеуште интернетот добро работи. Кај МТнет се влечи ако имам торрент што симнува со 55 kb/s и праќа со 11 ks/s.
Ете тоа е. Се надевам му разјаснив некому. А, и ќе заборавев инсталацијата траеше околу 1 час.

Фала. Keep us informed.

Лудило

2006-07-03T16:44:00.000+02:00

Во пресрет на парламентарните избори 2006 година, здружението Интернет Македонија испрати прашалник до 13 политички партии со цел да го образложат начинот на кој ќе го искористат огромниот потенцијал на модерните информациони технологии за да го подобрат животот на луѓето и да го спречат натамошното заостанување на Македонија на ова поле. Партиските определби на полето на интернетот и електронските комуникации ги прецизираа само ЛДП и НСДП. Одговор не испратија ВМРО-ДПМНЕ, СДСМ, ДУИ, ДПА, ВМРО-Народна партија, ДОМ, Земјоделска народна партија, ЛП, СПМ, ДА, Лига за демократија...

(повеќе)

Во целосните одговори има интересни „моменти“.

Независно од тоа, неколку коментари за сите партии...Интересно е што ВМРО-ДПМНЕ се нема експлицитно изјаснето дека е за повлекување на државата од сопственоста во Телеком. Тука нешто смрди... Уште поинтересно е што партиите што оправдуваат вакво повлекување сметаат дека единствен начин тоа да се направи е продажба на берза.

Хелоооу! Ги продаваа? Се продадоа? Не? Што е поентата сега пак да се продаваат? Ова баш се вклопува во дефиницијата за лудило на Ајнштајн: постојано да ја повторуваш истата работа и секојпат да очекуваш различен резултат.

Најбрз и наједноставен начин да се заврши работата е ако акциите се поделат бесплатно на сите граѓани. Сè останато е само купување време и продавање муда за бубрези.

Второ, сите пропагираат нова и нова бирократија во услови кога постојната не функционира. Така, СДСМ се залага за Агенција за ИНФОРМАТИЧКО општество, ВМРО-ДПМНЕ за Министерство за интернет и ИНФОРМАТИЧКА технологија, а НСДП за Министерство за информациско-комуникациски технологии. Грејт. Има смисла. Бирократијата не функционира. Чаре? Ќе испратиме некои фаци зад решетки? Не. Ќе ја укинеме? Не. Ќе воведеме мониторинг на резултатите? Никако. Ќе ја дуплираме. И ќе извикаме: That's what this country needs!

Трето, никој нема јасен концепт како ќе го измени концесискиот договор на Телеком кој има важност до 2018 година. До тогаш ќе се журкаме со флоскули за либерализиран пазар, конкуренција, интернет за сите и сл. лигавења.

Четврто, буџетот и државата постојат за граѓаните, а не обратно. Ако може државата да купува јабуки за да бидат здрави децата, може да купува интернет и компјутери за поттикнување на нешто што го определила како приоритет. Кога државата ќе створи услови цените да бидат на ниво со европските, најголем дел од населението да може да си ги дозволи, а пазарот да биде пазар наместо Скопски пазар, тогаш политичарите ќе имаат право да продаваат неолиберална економија како догма и да се колнат во моќта на пазарната конкуренција.

ЕУ супер-бабичка: Ќе ги сечам телекомите

2006-06-29T00:55:00.000+02:00

Дојче Телеком си најде (не)згоден противник во Вивиен Рединг, комесар за информационо општество на Европската комисија. Женава прво предложи цените за роаминг да бидат еднакви со оние за национални повици. Криците за линч што следеа од мобилните оператори не ја уплашија многу, па побара од германските власти да го срушат монополот на Дојче Телеком во фиксната телефонија и се закани со санкции ако не спречат исклучување на конкурентите од неговата нова VDSL мрежа. За да си обезбеди плакета „непријател број 1 на златните кокошки“, вчера...завчера предложи да се распарчат телекомите како лек за утуцаните монополисти.

Последново е под импресија од САД каде AT&T ("Ma Bell") во 1984 беше распарчен на седум дела во антитрустовски процес. Нагалено наречени Baby bells, овие делови успеаа да се обединат последниве две години. Во меѓувреме кабелските компании ги потиснаа телекомите и станаа доминантни со околу 55% од американскиот пазар на бродбенд.

Consumers therefore have a true choice in the US. In Europe, DSL is still the technology used by more than 80% of subscribers, which shows that we still have some way to go until the process of market opening is completed.

Колку и да звучи фино, вакви радикални мерки сигурно нема да поминат. Во најдобар случај може да се очекува модел сличен на британскиот. Таму, под иста закана за распарчување, British Telecom ја одвои големо од малопродажбата и отвори посебен субјект кој е обврзан на сите оператори да им нуди пристап до телеком мрежата по еднакви цени.

Интересно е што дури и самото спомнување на можноста за принудно расцепкување предизвикува алергиска реакција кај нив по што одма стануваат кооперативни. Телекомот на Нов Зеланд побрза доброволно да го воведе британскиот модел само еден месец откога владата - притисната од жестоки критики дека земјата дебело заостанува во поглед на бродбенд линиите - најави можност за принудна поделба.

Да ја викнеме женава на гости?

Лидери во регионот - најскапи и нелиберализирани

2006-06-23T15:11:00.000+02:00

Кулен интернeшн'л истрча со вториот извештај за телекомуникациите во Југоисточна Европа (PDF; 2,9 MB). Нарачан е од Европската комисија, која беше фина да го објави минатиот петок за да може и ние да го прошпиунираме.

Меѓу 10 земји од регионот, само за Македонија и Романија нема бројка за продорот на интернет (пенетрирано од сер Ханибал Лектор). Во фуснота стои дека Агенцијата за електронски комуникации допрва ќе собира податоци од провајдерите. Не може да си ги мериме ни по основ на бродбенд претплатници затоа што во извештајот не се опфатени корисниците на кабелски интернет во Бугарија и Србија.

Документот е сепак корисен за споредба на цените и „напредокот“ во либерализација на пазарот. Македонија и во 2005-та имала убедливо најскап dial-up во „нормална“ тарифа - за четвртина поскап од хрватскиот и повеќе од три пати поскап од српскиот.
Во „евтина“ тарифа (ненормална ?!) dial-up-от во периодот од 6 попладне до полноќ ни е втор по скапотија во регионот, а од полноќ до 6 сабајле сме претпоследни (ова е добро - посебно за оние што тешко ги фаќа сон).

Штета што не направиле споредба на цени за бродбенд - убедливо сме први. Разврзувањето на локалната јамка, со коe други оператори ќе можат да ги користат жиците на телекомите за да нудат услуги, е започнато само во Романија, Босна и Хрватска. Во Македонија не може да се склучат ни договори за интерконекција, па целата либерализација останува на хартија.

Кај изнајмените линии - опишани како „the building blocks for alternative networks that compete, directly or indirectly, with the networks of incumbent operators“ - сликата е иста:

The former Yugoslav Republic of Macedonia has particularly high rates both for short and long lines.

Ако кај 64 Kb/s линии сме на второ место после Албанија, за 2 и 34 мегабитните линии сме лидери. Цената од 12 717 евра без ДДВ за 2 km изнајмена линија од 2 Mb/s е околу 75% над просекот во ЕУ.За 34 Mb/s џепчето на Атила и компанија се полни со 173 илјади евра, или повеќе од трипати поскапо во однос на просекот во ЕУ. Ситуацијата е полоша кај 200 километарските изнајмени линии и исто лоша кај меѓународните изнајмени линии.
За да не испаднат само Хуните клети, мал извадок од Законот за електронските комуникации (PDF; 665 KB):

Агенцијата може да му наметне на оператор со значителна пазарна моќ на релевантен пазар обврска висината на цените на услугите да бидат базирани на реалните трошоците...
Агенцијата ќе ги воведе обврските од став 1 на овој член доколку смета дека врз основа на анализата на пазарот постои недостаток од ефикасна конкуренција, во услови кога операторот претходно вовел многу високи цени или се впуштил во експлоатирачко воведување на цени на штета на крајните корисници.

Предизборна анкета...

2006-06-19T16:45:00.000+02:00

... на Интернет Македонија до политичките партии. („интегрално“)

37% инцест

2006-06-14T00:56:00.000+02:00

Работите се менуваат, за да останат исти. Владата шитна една петтина од своите 47% телекомски акции и остана во кревет со Magyar Telekom.

Два „момента“ се интересни.

Пакетот од 9,9%, кој се продаде, го откупи Телеком, а не Magyar Telekom. Значи Телеком, со одлука на Собранието на акционери, во кое учествува и Владата, купи сопствени акции. 60-те милиони евра кои беа употребени за ова соодветно ќе го намалат износот на добивката и евентуалната дивиденда која би се делела на акционерите на МакТел. Кај и да е, очекувам да се објави дека Владата нема да добие дивиденда за оваа или минатата година, затоа што се употребила за купување акции. Државата сега ќе добие отприлика иста сума пари како да била исплатена дивиденда, единствена разлика ќе биде што ќе и' се намали учеството во сопственоста. Антикорупциската ќе се потресе, а обвинителот ќе испита.

Друго, со преостанатите акции власта ќе продолжи да ја спроведува Националната стратегија за е-дерење. Новата Влада по изборите ќе бара милион и едно алиби за да ги задржи останатите 37%. Уште сега фрчат „аргументи“ од сите страни:

Борче Давитковски, ружа: „Нешто што ви носи фиксна дивиденда 30, 40, 50 милиони годишно ...кое што може и во наредните 50 години да ви носи пари...[не може] да го продадете за 250 милиони.“

Зоран Трајчевски, арслан: „Ние не сме против продажбата на акциите но во услови и време кои ќе понудат највисока цена на акциите и согласно законот, на берза да се продаваат“.

Спире Мавровски, арслан популус: „Апсолутно е некоректно, ова е најуспешна фирма, државата има добивка од „Телеком“.“

На сите им течат лиги за делба на ланската дивиденда и за пополнување на фотељите резервирани за владините претставници во МТ. Неуспешната продажба потврди дека инвеститорите не сакаат да станат малцински акционери во Телеком и немо да гледаат како некој друг одлучува дали и колкава дивиденда ќе добиваат. Владата добиваше дивиденда, но по пат на преговори и уценувања и само затоа што беше главниот јатак на ајдукот. Бидејќи продажбата е невозможна, кој и да победи на изборите мора да се притисне акциите бесплатно да ги подели на граѓаните. Сè додека има државна сопственост во Телеком, ќе имаме либерализација на хартија и „информатичко“ општество по полиците.

ОнНет пред МТ и ВМРО-ИСП

2006-06-03T02:44:00.000+02:00

Конечно. ОнНет го смени WADSL пакетот: 10 GB сообраќај со брзина до 512/128 Kbps, после тоа намалување на околу 32 Kbps. ЗА 1300 денари (со ДДВ) и најважно - БЕЗ ДЕПОЗИТ. Ми се допаѓа концептот "нешто поспоро, ама повеќе и поевтино“. Илјадници нови канопија чекаат на идните корисници.

Е да, во базенот има вода до глуждови, но и тоа е грејт степ во споредба со претходната понуда на WADSL. Во трката на полжави меѓу националните провајдери го имаме ВМРО-ИСП на второ место со бесплатен дајал-ап денес и утре. Трето место за crazy „макс“ АДСЛ и скандалозните (© А1) 4 GB за фантастични (© А1) 2100 денари, а тука е и гордоста на менаџментот на МТ - bad старт АДСЛ и пола гига за 1200 денари.

Рокчиња

2006-05-30T00:01:00.000+02:00

ВМРО-ДПМНЕ и Народна се против продажба на државните акции во МТ (А1). Немало сега да има имаат максимална цена. Добар индикатор колку сè ќе се смени за да остане исто. На нив им дошло до ќарот од МакТел. Ќарот е резултат на дерење на граѓаните со амин на Владата. Заклучок: дерењето ќе продолжи.

Продажбата на акциите ќе трае од 5 до 9 јуни. Може да се очекува голем дел да остане непродаден. Да е Владата паметна, сите акции што нема да ги продаде би ги поделила беспари на вработените и државните службеници. Според еден стар академски концепт „администрацијата“ била исклучена од инсајдерските поволности на првиот и вториот приватизациoнен бран, па како компензација за тоа што не добила соодветен дел од општествениот капитал треба беспари да добие некој м'сен акционерски пакет. Прост начин да се купат гласови и во исто време да се отстрани ризикот опозицијата, при евентуална победа, да добие позначаен пристап до телекомската цицка. Патем (за власта), но најважно за „нас“, ќе се отвори патот за вистинска либерализација на телекомуникациите. Да беше Владата паметна и да немаше опозицијата рокчиња. Чисто хипотетички.

20 cm

2006-05-28T21:22:00.000+02:00

Зошто жените не знаат да паркираат? Зошто цел живот ги учат дека 20 сантиметри се олку. (раскажувачот покажува со прстите должина од околу 10 сантиметри)

Ми текна на вицов дур ја читав следнава вест од А1:

Расте бројот на интернет корисници, покажува последната анкета на „Стратеџи“, за само шест месеци за дури четири пати. Во септември лани имало 120.000 регистрирани интернет корисници, сега во април тој број е повеќе од 550.000.

Машала. Ваквиот нагол подем веројатно се должи на проектот Macedonia Connects кој од Македонија, и без море, направи рај за сурферите. Толку беа успешни што сега веќе и баба ми ги бара најновите плетки по нет.

Експертите се скептици, велат ланските податоци, и овие сега не може да се споредуваат, применети се различни методи.

Ама нарачателот е ист? УСАИД? Истата УСАИД што го почна проектот „Македонија се поврзува“? Лани, баш во септември. Они мора да ги квантифицираат „резултатите“ за да може после да не фалат за уште една „успешна приказна“. Патем и да се испромовираат себеси и да ги оправдаат буџетските пари што ги потрошиле. Пардон, оплодиле, пошто Он.Нет го шитнаа.

Бизнисмените од компјутерскиот сектор проблемот го лоцираат во се уште малиот бројот корисници на интернетот од дома. „Половината од нив во интернет кафе користат.“, рече Предраг Чемерикиќ, Он Нет.

Бизнисменов признава дека бизнисот му е неуспешен?

Во Франција и Грција директно власта го стимулирала користењето интернет од дома, така што цела една година сите граѓани имале бесплатен интернет.

Јаниииии! Јани, бе, дај одлучно демантирај вакви левичарски инсинуации. Не дозволувај народот да помисли дека треба да види некој аир од буџетот. Ако почнат вака, може и лирџетот да отиде.

Бизнисмените велат, многу предуслови се создадени. Недостасуваат поевтини цени на интернет услугите и конкуренција во фиксната телефонија.

Јани Макрадули. Јави се да им објасниш на ова шупациве дека не се битни цените. Битен е квалитетот, нали овај. After all, не е до должината, до техниката е!

Irrepressible

2006-05-28T20:35:00.000+02:00

Chat rooms monitored. Blogs deleted. Websites blocked. Search engines restricted. People imprisoned for simply posting and sharing information.

Изгледа познато? Irrepressible.info е одговор на Amnesty International и Observer на задушувањето на слободата на изразување онлајн. Сите што ја поддржуваат кампањата може да стават мало банерче што линка кон цензурирани содржини и да ја потпишат петицијата за интернет слободата што во ноември ќе биде доставена до Internet Governance Forum на ОН.

Иако сум за овие права, и против воспитните мерки врз македонските блогери, нема да ставам стално банерче од две причини.

Прво, иницијативата е многу прозападно ориентирана... да не речам проамерикански. Ете реков. Од целиот ебан свет, нашле примери за интернет репресија само во Кина, Иран, Мијанмар (Бурма), Тунис, Узбекистан, Сирија и Виетнам. Од to-do листата на Буш & Cо. ги испуштиле Северна Кореја, Белорусија и Русија, а ја додале Саудиска Арабија - веројатно ради мачкање очи. Не го ни спомнуваат злобниот гугл, неговите планови за светска доминација и гревчето што го шутнаа поради блогирање.

Второ, кампањата не спомнува битен елемент на слободата на изразување - право да се задржи сопственото мислење... за себеси. Ми текнува на многу ликови што треба почесто да го применуваат ова право. Посебно сега во предизборна кампања кога многу гмизавци искачаат на сонцето за појасно да им се види гадотилакот.

Нов македонски провајдер

2006-05-24T18:07:00.000+02:00

ВМРО-ДПМНЕ стана интернет провајдер. Според Груевски, на 3 и 4 јуни ќе обезбедат бесплатен интернет. Демек да покажат дека програмата им е остварлива.

Живо заинтригиран ја симнав програмата (PDF, 2.6 МB). Претходно најавија дека интернетот ќе им биде една од ударните теми, па ме шокира колку им е слабо обработен тој дел. Таму нигде не стои бесплатен интернет. Во неколку реда се нафрлени ветувања за некакви безжични мрежи, стимулирање на кабелските и субвенции за зголемување на интернет пенетрацијата. Сиромашно и нејасно до бесвест, божем се плашеле дека ќе треба да исполнат нешто од тоа. Како што ни осеќаат новчаниците, изминативе 4 години ружите го сокапаа пазарот од либерализација, а лавчињата се колнат дека ќе го направат либерте на квадрат. Се згрцнав од бисерот дека ќе распишат тендер за трет мобилен оператор (?!). Стандардно ветување за бесплатно сурфање има и за студентаријата по домовите, која од слични колнења се изнасурфа по креветите.

Овие штури најави малку ги објасни Антонио Милошоски во Утрински. Во интервјуто најави отварање на министерство што ќе организирало обука од областа на ИКТ. Идејава ме потсети на Агенцијата за млади и спорт, како место за згрижување заслужни партиски младинци и местење телевизиски анкети. За зголемување на употребата на компјутери планирале увоз на евтини компјутери кои ќе се продаваат на 12 рати и намалување на давачките за увоз. На крај и тој се истопори со бесплатен безжичен интернет низ цела МК. Нит спомна како, ни со колкава брзина, ниту дали ќе биде лимитиран. Единствен детаљ е дека проектот ќе траел една, пази сега, ИЛИ пола година. Ај што е смешно непрецизно, туку не ми е јасно што би се сменило за тие 6 месеци.

Во редовите на непријателот: ИМ - МТ

2006-05-13T12:53:00.000+02:00

На 29.3.2006 на иницијатива на ИНТЕРНЕТ МАКЕДОНИЈА се одржа средба со претставници на МТ во врска со понудата на услуги за интернет пристап. Огнен Фирфов (извршен директор за продажба), Коте Ланговски (извршен директор за маркетинг) и Борислав Несторовски (менаџер на производи) разменија мислења... (повеќе)

Ова одма треба да се испита од страна на антикорупциска. Прчески да ги истражи оправданите сомнежи на коментаторите на блогов, а А1 да дознае:

Скандал - на средбата фрчеле флет рејт пакети!

Има нешто и околу предлози за зголемување на обемот на сообраќај, поголема брзина по надминување на лимитот, фер плеј и по некое лижавче за младите. Веста изгледа бајато и исплакнато. Jеби га. Real-time информациите и мрсните детаљи се резервирани за членовите.

Следната недела ќе ја видиме новата понуда... а јас во улога на јасновидец ќе прогнозирам и промени кај WADSL.

МАТЕРУО

2006-05-11T12:45:00.000+02:00

Агенцијата за електронски комуникации ја одобри Референтната понуда за разврзан пристап на локална јамка (МАТЕРУО) верзија 1.2 од 20.04.2006 на А.Д. “Македонски Телекомуникации” со измени и дополнувања кои стануваат нејзин составен дел.

Со разврзан пристап на локална јамка А.Д. “Македонски Телекомуникации” kako оператор со значителна пазарна моќ е обврзан да изнајмува (во целост или само дел), локален сегмент од својата електронска комуникациска мрежа на новите оператори во давањето на електронските комуникациски услуги...

Агенцијата за електронски комуникации ги утврди: месечниот надоместок за целосно разврзан пристап на локална јамка, надоместокот за поделен пристап на локална јамка, како и надоместоците за физичка и оддалечена колокација.

Агенцијата за електронски комуникации смета дека... алтернативните оператори ќе најдат економски интерес за влез на пазарот на електронски комуникации и нудење на услуги до крајните корисници. Со ова, Агенцијата оценува дека ќе се овозможи влез на конкуренција на пазарот на говорни услуги и услугите со широк опсег (broadband). (целосното соопштение)

Црнила 006

2006-05-11T12:29:00.000+02:00

Ова го типкам од Gerbеaud. По wifi, зошто си ја штедам флет 2-мегабитна врска courtesy of Magyar Telekom. Конечно здумав кај ќе ги трошам парите што Атила ми ги депонира на Кајмански острови. А какво кафе вари, невиѓено!

Иначе, ако не сте виделе, мај е, пече сонце, летаат бумбари, шетаат голи девојки, луѓе се смеат, социјализираат и сл. зарзавати.

Не знам зошто ми доаѓа да се правдам. Не би требало. Ај уште некоја верзија...Хм... Чекав да се насоберат пристоен број на коментари пред да свиткам прсти и сите на купче да ги решам. Ма да. Онака волонтерски. Со лезет и комплетно незадолжително.

Омилен ми е овој:

разочаран said...
Овој блог стана се само не револуција. Ако некој има доволно време нека покрене нов блог СЕРИОЗНА ИНТЕРНЕТ РЕВОЛУЦИЈА. Јас ќе можан да се приклучам од Август натаму...

разочаран, да си ибеш векот, у право си! ја ќе бидам слободен од јуни...2007. Па може да се договориме следното лето и да дигнеме револуција 2.0. Вистинска, шо би се рекло. Ама да не трае поише од 10 дена пошто ќе сакам да тркнам и до море. ОК?

Пссст! Тишина.

2006-04-28T19:21:00.000+02:00

Таман се намножија македонски блогови и одма почна да базди. Прво, уредникот на Долу влада се пофали дека од МеВеРе-то ептен го читале неговиот блог, а во знак на „мала пажња“ сакале да му ја дознаат лозинката и расплачат мајката.

Следно, Трендо се занимавал со бришење на текст на блогот на Букаро на Блогерај.

Трето, сите кои го фалеа објавувањето на анти-муслиманските карикатури со силни реторики за слободата на говорот ја продолжуваат крстоносната војна и за случувања на домашен терен... Уствари, последново најверојатно нема да го видиме. „Нашите“ „интелектуалци“ рипаат само пред своите господари, пред нивните непријатели и пред било што поврзано со едните или другите. Останатото е невидливо за нивниот радар.

Трајче, Трпе и Мирко продолжуваат да се возат за Европа. Тресењето на возот ја засилува нивната дремка.

Е-трговија со сонценце

2006-04-20T23:40:00.000+02:00

Интернет шопинг во обид. Од Македонија обично завршува со вакви thank you and fuck you писменца. Околу 25% од он-лајн трансакциите од земјава се поврзани со измама или некој друг вид злоупотреба. За да се минимизира ризикот, најлесно е сите во земјава да не прогласат за платежни терористи.

Некои он-лајн продавници одат дотаму што блокираат по IP адреса. Ако е од некоја од „сумњививе“ земји, одма предупредуваат да не губиш време. Тоа лесно може да се заобиколи со употреба на прокси, ама на следната кривина ќе те начекаат со идентификација на земјата каде што е издадена платежната картичка.

MK Connects покрена иницијатива за соработка меѓу поважните провајдери за да се симне Македонија од црните листи. Не сум сигурен дека тоа е доволно. Рејтингот за е-трговја на една земја зависи и од интегритетот на банките кои ги издаваат картичките, а нашиве баш не котират високо. Посебна приказна е испораката. Не еднаш ми се случило да налетам на наш шпедитер со рекетарски манири, или од Пошта да добивам отворени пратки. Јеби га, ќе си купувам македонски производи... или уште поарно - ќе штедам.

Wi-Fi интернет на скопскиот аеродром

2006-04-19T10:54:00.000+02:00

Првиот објект за многу странци што пристигнуваат во земјава, врз основа на кој го градат почетниот впечаток, е во катастрофална состојба. Тажно е и да се гледа терминалот.

Новина е што по примерот на светските аеродороми, ќе може да се закачите на интернет. Он.Нет ќе ја покрие терминалната зграда, вклучително и чекалните, кафетеријата и бизнис салонот. Покрај тоа ќе биде покриена и административната зграда до терминалот. За возврат ќе добие можност да се рекламира на атрактивна локација. Ај нека се множат вакви примери.

Државните акции во МТ на продажба

2006-04-19T10:24:00.000+02:00

Дипломатскиот притисок од ЕУ и отвореното лобирање од Американците конечно вродија со плод. Со ова се потврди мудроста на пулитичарот што ги шитна МТ. На времето, соочен со критики во јавноста, насмеан изјави дека одговара само пред меѓународната заедница.

Прво беше објавено дека ќе се продаваат две третини од државните акции, а останатата третина ќе се задржи од „безбедносни причини“. Мистичните безбедносни причини вклучуваа алузии за кризата од 2001 година кога учеството на државата во управниот одбор на МТ наводно донело големи „бенефити“. За кого - не беше појаснето.

Последно од Владата најавија продажба на 45,1% државни акции во МТ, со почетна цена од 275 милиони евра, до крајот на мај. Останатите два отсто државни акции најверојатно предизборно ќе им се поделат на вработените согласно купопродажниот договор. Побитно од нечие евентуално омрсување од продажбата, е што конечно државата ќе може понепристрасно да ја извршува својата регулаторна и контролна улога.

Влијанието на МТ нема сосема да исчезне, зошто ќе остане можноста за делегирање на „врвни“ менаџери по партиска линија и вршење набавки преку подобни фирми. Зачувувањето на традициите е мошне битна ствар за културниот идентитет на секоја заедница, нали овај. Барем нема да ги гледаме оние комични натегања за висината на дивидендата, проследено со покачување на цените.

Пред да отвориме шампањско, останува да видиме дали ќе има доволно заинтересирани за реализација на продажбата. Сепак се шитка малцински пакет акции, а Унгарците имаат фин историјат на штимање на добивката и дивидендите кои се исплаќаат на сопствениците.

Broadband како право, а не привилегија

2006-04-12T11:33:00.000+02:00

8 Mb/s, 40 гигабајти месечен download, неограничени повици во локалната и националната фиксна телефонија и неограничени меѓународни разговори во фиксната телефонија за 28 земји. Колку би чинел ваков пакет? Бубрег? Два?

Carphone Warehouse, британски продавач на мобилни телефони со телеком амбиции, ја промовираше својата услуга TalkTalk за 21 фунта, т.е. помалку од 1900 денари (со ДДВ).

Charles Dunstone, извршен директор на Carphone:

For too long the British public has been charged costly fees for high speed internet access, or has had to use slow internet connections.

From today, broadband is a right, not a privilege.

Фирмата најави дека е спремна да инвестира во пазарот дури и по цена на краткорочни загуби, концепт што е тотално непознат за нашите провајдери.

Carphone Warehouse will make a loss of £50m on the business this year, but hopes to make a £40m profit by 2008. By then the firm also plans to have paid off the start-up costs for the service, estimated at £110m.

Огромниот пад на цените за телефонија и DSL е овозможен со процесот на разврзување на локалната јамка на British Telecom - со кој на конкурентите им се овозможува да ги користат телефонските жици на BT за рамноправно да им нудат услуги на корисниците. Ваквиот процес во Британија започна во 1999 г. кога локалниот регулатор (Ofcom) му го наметна на British Telecom. Во 2004 г. беше заклучено дека Британија заостанува во поглед на цените и бројот на „разврзани линии“ во однос на остатокот од Европа. Како одговор Ofcom ги лимитира цените на BT за изнајмување на линиите и забрани намалување на големопродажните цени на АДСЛ пакетите на BT, се додека бројката на разврзани линии не достигне 1,5 милиони. Досега се разврзани 360 000 линии, а нивниот број расте за 15 000 секоја недела.

Во меѓувреме, нашите пулитичари гордо изјавуваат дека цените не се приоритет во Европа, а АЕК и Владата „се расправаат“ кој бил повиновен за заглавената либерализација.

Смрт на дефетизмот, да живее виртуелноста

2006-04-10T11:32:00.000+02:00

Јани Макрадули, пратеник и претседател на КИТ, на својот тазе блог предизборно објави војна против сите дефетисти кои не ја споделуваат неговата одушевеност од виртуелната реалност наречена е-Македонија. На прво место на листата на народни непријатели ги стави оние што тврдат дека Македонија има мал број интернет корисници. Авторот победнички цитира бројка од Internet World Stats од 19,2% за 2004 г., каде како извор е наведен Заводот за статистика. Ако се потрудел да ја надмине површноста и да се распраша директно во Статистика за значењето на ваквата бројка, ќе дознаел дека таа се однесува на сите што пристапиле на интернет барем еднаш во својот живот.

Колку е ова релевантен показател за интернет пенетрацијата? Наместо да заменуваме тези, по стоти пат да ги разгледаме потврдените бројки. Еуростат има повеќе показатели за интернет пенетрацијата, од кои ќе издвојам три. Првиот се однесува на оние што имаат интернет пристап од дома. Според Статистика, во 2004 таква среќа имале околу 11% Македонци, а според АЕК околу 6%. Просекот во ЕУ е 43%.

Вториот показател што го користи Еуростат е процентот на редовни корисници на интернет. Оваа категорија ги опфаќа сите меѓу 16 и 74 години, кои користеле интернет, во просек барем еднаш неделно, во последните 3 месеци пред истражувањето. Просекот во ЕУ за 2004 е 38%. Во Македонија, Статистика во пресметката ги вклучила и лицата со 15 години и со нивна помош стигнала до бројка од 15% редовни корисници на интернет. За да нема забуни - овој процент не се однесува на целокупната популација, туку само на оние со возраст 15-74.

Трет индикатор е уделот на домаќинства со широкопојасна интернет врска. Просекот во ЕУ за 2004 е 15%. Истражувањето на статистика не го покрива овој показател, но од истражување за потребите на Европската комисија (PDF) може да се извлече бројка од 0,1%.

Бидејќи се ближат избори, ај да го следиме трендот и да си играме со бројките: по првиот индикатор едвај достигнуваме до четвртина од просекот во ЕУ, по вториот заостануваме за над 60%, а по третиот имаме околу 150 пати помал просек од европскиот. Статистиката покрај за изборни кампањи служи и за акција. Затоа Јани батали го наменскиот оптимизам и објасни ни во нефризирани бројки: Што направи власта за да не доближи до ЕУ на ова поле?

Бесплатен интернет преку Google

2006-04-07T00:53:00.000+02:00

Ама за Сан Франциско :) Заедничката понуда на Google и EarthLink беше избрана на конкурсот за wi-fi мрежа преку која ќе се обезбеди бесплатен или евтин пристап на интернет за околу 750 000 жители. Целта на конкурсот распишан од градската администрација во септември е да го поттикне развојот и да им помогне на оние што не се уштекани да прејдат во „дигиталната ера“.

Основниот пакет ќе биде бесплатен интернет пристап од 300 Kb/s, а за оние на кои тоа им е малку ќе се нуди 1 Mb/s за 20$ месечно. Најавен е и посебен Virtual LAN за сообраќај за потребите на градот (бесплатно до 300 Kb/s). Се шпекулира дека дека инвестицијата ќе биде околу 7 милиони долари и уште 15 милиони оперативни трошоци во наредните 10 години, целосно покриени од Гугл и EarthLink.

Целиот проект нема да го чини градскиот буџет ни долар. Типично за Гугл, парите главно ќе бидат обезбедени од реклами кои ќе бидат вклучени во основниот пакет. Гугл веќе понуди бесплатен интернет за околу 72 000 жители кои имаат среќа да живеат во неговото седиште - Mountain View, 40 километри од Сан Франциско.

Уште бројки... Мрежата ќе покрива над 125 километри квадратни со околу 12 wi-fi антени на километар квадратен, поставени на улични светилки и на врвовите на зградите. Покриеноста ќе биде околу 95% на отворено и 90% на затворено (ќе биде достапна до првите неколку ката на зградите).

Интересно е што градот Сан Франциско широкопојасниот интернет пристап го смета за универзална услуга. Тоа е бирократски израз за комуникациска услуга која е неопходна за вклучување на граѓаните во модерното општеството и која мора да биде достапна по прифатлива цена и квалитет за сите жители. Македонскиот закон за електронски комуникации воопшто не го вклучува интернет пристапот во групата универзални услуги. Нашата регулатива за вакви ги смета само телефонските услуги. Во пракса ни тие не се такви зошто Агенцијата за електронски комуникации сеуште не распишала тендер за „добавувач“.